Cuerpo Gobernantemanda ishcai mushuj huauquicuna

5 DE OCTUBRE DE 2024 huata tandanajuipica, ishcai mushuj huauquicunami Cuerpo Gobernantepi sirvichun nombrashca nishpa villarca. Paicunaca Jody Jedele y Jacob Rumph huauquicunami can nishpami villarca. Cai huauquicunaca ashtaca huatacunatami Jehová Diostaca tucui shungu sirvinajushca.

Jedele huauquica (Estados Unidos llactapa) Misuri llactapimi nacirirca. Paipa taitamamaca Testigo de Jehovacunami carca. Paipa familiaca ashalla testigo de Jehovacuna tiaj pushtupimi causarca. Ashalla testigo de Jehovacuna tiashcamandami shuj shuj llactacunamanda huauquipanicunaca predicacionda apoyangapaj rin carca. Chaimandami huauquiguca shuj shuj llactamanda huauquipanicunata rijsirca. Huauquipanicuna ninanda juyarijta y unido cashcata ricushpami Jedele huauquica Jehová Diosta sirvingapaj munarca. Chaimi 15 de octubre de 1983 huatapi bautizarirca. Predicanata ninanda gushtaimandami colegiota estudianata tucuchishpaca, septiembre de 1989 huatapi precursor regular tucurca.

Paipa taitacunaca huauqui Jedelta y paipa pani uchillagucuna cajpica Betelmanmi siempre apan carca. Huahuacuna cashpa Betelta visitanami, Betelpi sirvina munaita ishcandi pactachichun ayudarca. Huauqui Jedeleca Wallkill Betelpimi septiembre de 1990 huatapi sirvi callarirca. Primeroca Departamento de Limpiezapi, jipaca Servicios Médicos Departamentopimi sirvirca.

Más o menos chai tiempocunapica Wallkill Betelpa ladolla pushtucunapimi español shimita parlaj congregaciongunaca ashtacata mirajurca. Chaimi jari huauquicunata minishtinajurca. Huauqui Jedeleca español congregacionmanmi ri callarirca y español shimitami yachajurca. Asha tiempo jipallami paipa circuitopica Dámaris precursora paniguta rijsirca. Tiempohuanga cazararca y ishcandimi Betelpi sirvi callarirca.

2005 huatapica paicunapa taitamamacunata cuidangapami Betelmandaca llujshirca. Chai huatapica ishcandimi precursor regularcuna tucurca. Huauquiguca Escuela del Servicio de Precursorpa instructormi tauca viajecunata carca. Shinallata paicuna causanajuj pushtupimi Comité de Enlace con los Hospitales y Comité Regional de Construccionbi ayudashpa sirvirca.

2013 huatapica Warwick construccionbi sirvichunmi, Betelmanga cutin invitarca. Patterson y Wallkill Betelpipashmi sirvirca. Huauquiguca Local de Diseño y Construcción y Servicios de Información sobre Hospitales nishca departamentocunapimi sirvirca. Marzo de 2023 huatapica Comité de Serviciopi ayudachunmi nombrarca. Huauqui Jedeleca pai charishca responsabilidadcunamanda parlashpaca, cashnami nin: “Shuj mushuj asignacionbi canaca huaquinbica dificilmi caita ushan. Shinapash Jehová Dios ayudanapimi confiana capanchi. Porque Jehová Diosllatami, pai imata rurachun mandashcata pactachichunga ayudan” ninmi.

Huauqui Rumphga (Estados Unidos llactapa) California llactapimi nacirirca. Huauqui huahuagu cajpimi, paipa mamaca inactiva carca. Shinapash paipa mamaca Bibliamanda yachachingapami esforzarirca. Huauquica cada huatami paipa abuelitataca visitan carca. Paipa abuelitaca Jehová Diostaca tucui shunguhuanmi sirvin carca. Paipa abuelitami Bibliamanda ashtahuan yachajungapaj munaita charichun ayudarca. Chaimi 13 huatacunata charishpaca, Bibliamanda yachajui callarirca. Joven cashpallatami 27 de septiembre de 1992​pica bautizarirca. Shinallata paipa mamitaca cutinmi predicai callarirca y tandanajuicunamanbash ri callarirca. Shinallata huauquipa taitapash y paipa huauqui y panipashmi progresashpa bautizarirca.

Huauqui Rumphga precursorcuna cushilla cajta ricushpami, colegiota estudianata tucuchishpaca, septiembre de 1995 huatapi precursor tucurca. 2000 huatapica Ecuadorpi predicangapaj minishtijuj pushtupi sirvingapami rirca. Ecuadorpi sirvingapaj rishpami, Canadá llactamanda Inga precursora panigutaca rijsirca y tiempohuanmi cazararca. Cazarashpapash, Ecuadorpa shuj uchilla grupopimi sirvirca. Cunanbica chai grupoca, shuj congregacionmi can.

Tiempohuanga precursores especiales shina sirvichunmi nombrarca. Jipamanga huauqui Rumphdaca superintendente cachunmi nombrarca. 2011 huatapica Escuela de Galaad clase 132manmi invitarca. Graduarishca jipaca, paicunataca shuj shuj llactacunamanmi cacharca. Shinallata betelita shina, misionero shina y superintendente shinami sirvinajurca. Shinallata huauquiguca Escuela para Evangelizadores del Reinopa instructormi carca.

COVID-19 pandemia tiashcamandami Estados Unidosman tigrarca. Estados Unidosman tigrajpimi, Wallkill Betelpi sirvichun invitarca. Chaipimi huauquica Departamento de Serviciopi sirvichun shuj capacitacionda chasquirca. Jipamanga Ecuadorpa sucursalmanmi cacharca y chaipimi huauquica Comité de Sucursalpi sirvirca. 2023 huatapica Warwick Betelmanmi cacharca. Enero de 2024 huatapica huauquigu Rumphdaca Comité de Serviciopi ayudante shina sirvichunmi nombrarca. Shuj shuj llactacunapi Jehová Diosta sirvita ushashcamanda parlashpaca, huauquiguca cashnami nin: “Maijan llactapi sirvishpapash, huauquipanicunahuan Jehová Diosta sirvinami ashtahuan importante can” ninmi.

Cai huauquigucunapa trabajotaca ninandami valorapanchi. Chaimi paicunataca ‘juyashpa catipanchi’ (Filip. 2:29).