Tapuicuna

◼ ¿Ima textocunata ayudan, tandanajuicunapipash villachinacunapipash celularcunata ali utilizangapaj?

‘Upalla cangapapash rimangapapash’ shuj tiempo tianmi (Ecl. 3:7). Celularcunaca mensajecunata cachangapaj, shujcunahuan maipi cashpapash parlangapaca alimi can. Shinapash, tandanajuicunapi cashpa mensajecunata cachajuna o parlajunaca nali ricurinllu. Tandanajuicunaca Jehovata alabangapaj, Jehovamanda yachajungapaj, shujcunahuan animaringapami can (Deut. 31:12; Sal. 22:22; Rom. 1:​11, 12). Tandanajuicunapi cashpa celularcunata apagashpa o tandanajui jipa mensajecunata ricushpaca alimi canman. Pipash cayanapacha cajpica, bullayashpa shujcunata ama molestachunmi celulartaca silenciopi churana canchi.

‘Ali villaicunamandami’ tucuita shinana canchi (1 Cor. 9:​23). Huaquinbica villachinacunapipashmi celularca ministirin. Villachingapaj grupota surcuj huauquica, huauquicuna maipi villachinajujta yachangapami huaquinbica cayan. Cutin huaquin publicadorcunaca estudio biblicocuna o revisitacuna carupi causajpimi celularpi cayashpara ricungapaj rin. Shinapash gentecunahuan Bibliamanda parlajujpi celular huacashpaca nalichu canman (2 Cor. 6:3). Ashtahuangarin villachingapaj llujshishca cumbacunata shuyajushpa amigohuan celularpi parlajuna, mensajeta cachajunaca nalichu can. Chaipa randica villachinapi, ñucanchi cumbacunapimi preocuparina canchi.

Shujcunata respetanami canchi (1 Cor. 10:24; Filip. 2:4). ¿Nachu ima horapash yashcanchi, villachinaman llujshina grupoman na pactashpaca, maipi villachinata yachangapaca celularpi cayashallami o mensajeta cachashallami nishpa? Chaita yanaca nimamanda na alichu can. Shinallata, grupoman jipayashpa chayajpica cutinmi cumbacunata cambiana tucun. Ciertomi can, huaquinbica na yashcapi imapash tucushcamandami jipayanchi. Shinapash, jipayashcalla chayana costumbretaca na japinachu canchi. Chayana horaspi chayashpaca Jehovapa arreglocunata, grupota surcuj huauquita, ñucanchi cumbacunatapash respetashcatami ricuchishun.