“Ima horapash huasipi na tupanichu”

Huaquinbica gentecuna alicachishpa uyajpimi cutin tigrashpa plantagupi yacuta churanshna visitashpa catingapaj munanchi (1 Cor. 3:6). Shinapash ñana huasipi tupai ushashcanchichu. ¿Imatata rurai ushanchi? Ashtaca experienciata charij huaquin publicadorcunaca Bibliamanda imagutapash shuj hojagupi o shuj cartaguta escribishpami pungu ucupi churan. Shujcunaca huasipi cutin na tupanata yachashpami tapun: “¿Nachu Bibliamanda imagutapash escribingapaj quiquinba teléfono numerota carahuanguiman?” nishpa. Bibliamanda imagutapash cartapi escribishpa, correo electronicoman mensajeta cachashpa, escribishca hojaguta pungupi saquishpa, celularpi mensajeta cachashpa o telefonopi cayashpapash revisita nishpa cuentanallami canchi. Shinami Bibliamanda yachajungapaj munashca gentecunata huasipi na tupashpapash Bibliahuan ayudashpa cati ushashun.