Cumbacunata ayudashunchi
1. Villachingapaj llujshishpaca ¿imashinata cumbacunahuan animarishun?
1 Apóstol Pablo villachingapaj llujshishpaca tucui cumbacunahuan caishujmanda chaishujmanda yarichiringapami munarca (Rom. 1:12). Ñucanchicunapash apóstol Pablopa ejemplota catishpami villachingapaj llujshishpaca cumbacunata ayudashpa animana canchi. Shinaca ¿imashinata ñucanchi parlocunahuan animarishun?
2. ¿Imashinata cumbacunataca animashun? ¿Imamanda animarinaca ali can?
2 Cumbacunata animashunchi. Huaquingunaca manllaihuanmi villachingapaj llujshin. Parlaitapash manllaihuanmi parlanajun. Chaimandami paicunataca animana canchi. Shuj superintendenteca ninmi, villachingapaj llujshishpaca huauquipanicunamanga ninimi: Ñucatapashmi manllanayan, tranquilo sintiringapaca Jehovatami cutin cutin mañani nishpa. Shuj huauquipash ninmi: ‘Gentecunahuan asishpa, cushilla parlangapami munani. Shinapash ninanda manllanayajpimi Jehovata cutin cutin mañashpa gentecunahuanga asishpa cushilla parlai ushani nishpa. Cushijushpa villachingapaca ¿imata ñucanchitaca ayudashca? Ñucanchicunata ima ayudashcata parlashpaca alimi canman.
3. Cumbacunahuanga ¿imacunamandata parlaita ushanchiman?
3 Ñucanchi yachajushcacunata cumbacunaman parlashunchi. Villachingapaj llujshishpaca ¿imatata nishcanchi, ima tapuitata rurashcanchi o ima temamandata parlashcanchi? Publicaciongunapi presentacionda catishpapash ¿imata nishpata ashtahuan ali villachishcanchi? Imashina ali resultadocunata charishcataca cumbacunaman parlapashunchi (Prov. 27:17). Revisitata rurangapaj rijushpaca imashina ayudanata, imata ninata parlashpandi ripashunchi. Bibliata yachachishca jipapash imamanda shuj textota liishcata, imamanda shina yachachishcatami cumbamanga parlana capanchi.
4. ¿Imamandata ñucanchi cumbacunata ayudana canchi?
4 Apostolcunapa punllacunapi Jesusta catijcunaca gentecunaman villachishpapash paicunapura animaringapami munan carca (Hech. 11:23; 15:32). Chaimandami apóstol Pabloca Timoteoman yachachirca, paipash randi shujcunaman yachachichun (2 Tim. 2:2). Ñucanchi yachajushcacunata ñucanchi cumbacunaman yachachijpica paicunapashmi cushijushpa ashtahuan ali villachinga. Ashtahuangarin Jehová Diospa ñaupajpipash alimi ricuringa (Heb. 13:15, 16).