Ashtahuan aliguta villachishunchi: ñucanchihuan yachajujcuna publicador tucuchun ayudashunchi

¿Imamandata importante can? Jesusta cati callarishpaca, yachajujcunaca Jesús ‘tucui imatalla yachachishcata’ yachajushpami Diospa Shimitapash villachina can (Mat. 28:19, 20). Bibliata yachajujcunamanda taucacunaca Bibliamanda Yachachingapaj Escuelapi matricularishcami can. Huaquingunacarin paicunapa familiaman, rijsicunaman ña villachinajunbashchari. Shinami imata yachajushcata ashtahuan alicachishpa catinga. Ashtahuangarin, Jehová Dios tucui gentecuna ali villaicunata uyachun munashcata intindishpami, paicunapash villachingapaj llujshina munaita charishpa, espiritualmente ñaupaman catijushcata ricuchinga (Rom. 10:13, 14). Congregacionhuan villachingapaj ancianocuna ari nijpica, mushuj publicadorca ali villachingapaj ayudachunmi minishtinga (Luc. 6:40).