Jehová Diosta punllandi sirvishpa causachun yachachipangui

Callarimandallata cutin cutin seguido villachinata, cushijushpa villachinata yachachijpica, mushuj publicadorcunaca ali villachijcunami tucun (Prov. 22:6; Filip. 3:16). Yachajujcuna aliguta villachi callarichunga ¿imashinata ayudana capangui? Huaquin yuyaicunata ricupashun:

• Publicador tucushcandimi quiquihuan yachajujtaca ali villachichun yachachina capangui (km 8/15 pág. 1). Cada semana villachingapaj llujshina importante cashcatami yachachina capangui (Filip. 1:10). Territoriomandaca alita parlapangui (Filip. 4:8). Shinallata, villachingapaj grupopa superintendente huauquihuan, shuj publicadorcunahuanbash villachingapaj llujshishpa paicunamanda yachajuchun animapangui (Prov. 1:5; km-S 10/12 pág. 6 párr. 3).

  

• Ña bautizarijpipash, animashpa catipangui, villachingapaj llujshichunbash aliguta prepararichun ayudapangui. “Amor de Dios” librota yachajushpa catijujpimi, ashtahuanbachaca ayudashpa catina capangui (km 12/13 pág. 7).

  

• Mushuj publicadorhuan villachijushpaca, shuj uchilla presentacionguta nishpami villachina capangui. Mushuj publicador villachishca jipapash, felicitapangui. Ashtahuan aliguta villachichunbash huaquin yuyaigucunata ninallami capangui (km-S 5/10 pág. 7).