Ashtahuan aliguta villachishunchi: gentecunata yaipi charishunchi
¿Imamandata minishtirishca can? Jesusca tucui gentecunapimi yuyan carca. Chaimandami shuj sordo runaguta jambigrijushpa ama gentecunapi manllarijuchunga shuj ladoman apashpa Jesusca jambirca (Mar. 7:31-35). Paipa yachajujcunamanbash yachajui ushashcagutallami yachachirca (Juan 16:12). Cunanbi cielopi cashpapash Jesusca gentecunataca yaipimi charin (2 Tim. 4:17). Paipa catijcunaca paishnalla cangapami munanchi (1 Ped. 2:21, Traducción del Nuevo Mundo; 1 Juan 3:16, 18). Chaimandami gentecunaman aliguta villachingapaca paicuna imashina causajta, imata munajta, imapi preocuparijta ricushpa villachina canchi. Paicunapi preocuparishpa villachijta cuenta japishpami gentecunapash uyangapaj munanga.
Cai quillaca caita rurapashunchi:
Familiahuan Adorana Tutapi cashpa o villachijushpa ñucanchi cumbahuan cashpapash, gentecuna yachangapaj munashca temacunamanda imashina parlanata repasashunchi.
Villachingapaj llujshina tandanajuita ñaupaman pushaj huauquica, gentecunata yaipi charishcata imashina ricuchinatami yachachina can o shuj demostracionbimi ricuchina can.