Ashtahuan aliguta villachishunchi: registro de casa en casa hojata jundachishunchi

Apóstol Pabloca Timoteotaca nircami: ‘Imata yachachinatapash canllata aliguta yaringui’ nishpa (1 Tim. 4:16). Chairalla villachinajushpa o unaillata villachinajushpapash chai consejota catinami canchi. Tucuicunallata mejorachunmi Diosmanda Villashunchi hojapica “Ashtahuan aliguta villachishunchi” nishca tema llujshinga. Cada temapimi imashina ashtahuan ali villachinata yachachinga. Chai quillapica chai temapi llujshishca sugerenciacunata catipashunchi. Shinami quilla tucuripica imashina ayudashcata Villachinata Yachajungapaj Tandanajuipi parlashun. Cunanga registro de casa en casa hojamanda parlapashunchi.

¿Imamandata registro de casa en casa hojataca jundachina canchi? Ñucanchicunaca imashinami muyuguta tarpushpa yacuta churana canchi shinallatami villachishca jipaca uyangapaj munaj gentecunatapash cutin tigrashpa visitana canchi (Mat. 28:​19, 20; 1 Cor. 3:​6-9). Cutin tigrashpaca punda parlashcata yarichishpami shuj temamandapash parlanalla canchi.Chaimandami pipash uyajpica registro de casa en casa hojataca aliguta jundachina canchi.