Ashtahuan aliguta villachishunchi: Ñausa gentegucunata villachipashunchi

¿IMAMANDATA MINISHTIRISHCA CAN? Ñausa gentegucunaca na rijsishca gentecunahuanga na facilchu parlanata yachan. Chaimandami ñausa gentegucunata villachingapaca pundapica imashna parlanata ali yachanara capanchi. Jehová Diosca paicunataca ninandami juyan (Le 19:14). Ñucanchipashmi paicunata ninanda juyashpa Taita Diosta rijsichun ayudana capanchi.

¿IMATATA RURASHUN?

• Ñausa gentegucunata mascapashunchi (Mt 10:11). ¿Pipash ñausa familiarta charishcata yachapanguichu? ¿Quiquinba territoriopica ñausagucunaman publicaciongunata charingapaj munaj escuelacuna, hospitalcuna o shuj instituciongunaca tiapanllu?

• Ñausa gentegucunata ayudapashunchi. Quiquin ciertopacha ayudangapaj munashcata ricuchishpaca paicunapash tranquilo, alimi sintiringa. Shinallata comunidadpi ima pasajujta ricushpa parlai callaripangui.

• Jehová Diosta rijsichun ayudapashunchi. Ñausa gentegucunata o aliguta na ricuita ushaj gentegucunata ayudangapami ñucanchi organizacionga publicaciongunata llujchishca. Pipash yachajungapaj munashpaca imacunahuan o imashina yachajungapaj munashcata tapupangui. Ñausa gentegu imahuan yachajungapaj munashcataca publicaciongunata ricuj huauquitami mañana can. Chaitaca superintendente de servicio huauquimi ricuriana can.