Jipa punllacunapi ima pasanata yachangapaca ¿imatata gentecunaca ruran?
Huaquin gentecunaca imacunatapashmi ruran shamuj punllacunapi ima pasanata yachangapaj ¿imatata paicunaca ruran? Ricupashunchi.
HUAQUINGUNACA CAICUNAPIMI CRIN
LA ASTROLOGÍA. Ashtaca gentecunaca paicuna nacirishca punllapi estrellacuna en orden, alineado cashca cajpica, ali causaitami charishun nishpami crin. Pero si estrellacuna na alineado en orden cashca cajpica, paicunapa causaica nalimi canga nishpami crin. Chaimandami caipi crij gentecunaca jipa punllacunapi ima pasanata yachangapaj, shinallata imapash problemacunamanda jarcaringapaj nishpa horóscopo nishcata liin.
BRUJOCUNAPAMAN RINA. Gentecunaca jipa punllacunapi ima pasanata yachangapa munashpami brujocunapaman rin. Shinami chai gentecunaca brujocunapa nishcacunata catishpa imatapash ruran. Paicunaca ali causaita charishun yashpami chaicunataca ruran.
PUNDA TIEMPOPI CAUSASHCA GENTECUNATA ADORANA. Cutin shuj gentecunaca punda tiempopi causashca gentecunata o shuj shuj dioscunata adorashpami paicuna cuidanata, bendicianata crin. Vietnam llactamanda Van shuti,a huarmiguca cashnami nin: “Punda tiempopi causashca familiacunata adorashpaca, ñucapash y ñuca churicunapash cunanbi y jipa punllacunapash alimi causashun yarcanimi”.
SHUJ CUERPOPI CUTIN CAUSARINA. Ashtacacunaca huañushca gentecunaca cutin cutin causarijtami crin. Shinallata punda causaipi alita o nalita rurashca cajpica, cunan causaipipash alita o nalita chasquin nishpami crin.
Ashtaca gentecunaca caicunapi crina yanga cajta yachashpapash horóscopo nishcata, la tabla Ouija® nishcata, las cartas del tarot nishcata ricun. O shinallata maquita liichunbashmi mañan. Y chaitaca jipacunaman ima pasanata yachangapaj munashpami ruran.
CAICUNAPI CRIJ GENTECUNAHUANGA ¿IMATA PASASHCA?
¿Cai practicacunapi crij gentecunaca ali causaitaca charishcachu?
Vietnam llactamanda Hào shuti jarihuan ima pasashcata ricupashunchi. Paica astrología nishcata, feng shui nishcata y paipa punda causashca familiacunata adorashpami causan carca. Pero chaicunata rurashpa causaimandaca ¿imata pasarca? Paica cashnami nin: “Ñucaca shuj negociotami charircani. Shinapash ninanda dibi tucushpami negociopash illa quidarcani. Shinallata familiapipashmi problemacuna cashcahuan causarcani. Chaimi llaquillapacha sintirin carcani”.
Taiwán llactamanda Qiuming shuti jarica astrología nishcapi, huañushcacuna cutin shuj cuerpopi causarinapimi crin carca. Shinallata destinopi y feng shui nishcapipashmi criin carca. Shinallata punda tiempopi causashca familiacunatapashmi adorashpa causan carca. Shinapash caicunamanda investigashca jipami paica cashna nirca: “Ñuca creenciacuna nali cashcatami cuenta japircani. Porque siempremi shuj cosasta nin carca. Pero a la finalca shuj cosascunarami pasan carca. Por ejemplo, astrología nishcapimi crin carcani y chaipipash siempremi yanga cosascunatara nin carca. Shinallata reencarnación nishcapicarin si cutin causarinchica, maitashi punda causaipi imata rurashcata yachashpa cunanbi cambiashpa alita ruraita usharingayari yashpami chaicunapica ñana crircani”.
“Ñuca creenciacuna nali cashcatami cuenta japircani. Porque siempremi shuj cosasta nin carca. Pero a la finalca shuj cosascunarami pasan carca” (QIUMING, TAIWÁN)
Cai personashnallatami ashtaca gentecunaca cuenta japishcami que destinopi, estrellacunapi, punda tiempopi causashca familiacunapi y huañushcacuna cutin shuj cuerpopi nacirishcapi crinaca yanga cashcata. Shinallata jipa punllacunapipash ali causaita na carai ushashcatapashmi cuenta japishca. Pero shinapash ¿nacha jipa punllacunapi ali causaiguta charingapaca imatapash rurai ushapanchi?
Ashtaca gentecunaca ali causaiguta charingapaca universidadta estudiana y ashtaca culquita charinami ayudaita ushan nishpami pensan. Shinapash chai gentecunahuanga ¿imata pasashca?
a Cai revistapica huaquin shuticunata cambiashcanchimi.
b Cai alipacha yuyaica Bibliapi, Gálatas 6:7pimi can. Cai yuyaimandallata parlashpami shuj ladomanda gentecunaca “melón frutata tarpushpaca, chai melón frutatallatami cosechangui. Pero habasta tarpushpaca, habashtallatami cosechangui” ninmi.