¿Ima horapash ali causaita usharingacha?

Talvez quiquinllata na ali tratai tucushca cajpipash, shujcuna nali tratai tucushcataca seguromi ricupashcangui. Medio de comunicaciongunapica gentecunataca shuj llactamanda cashcamandalla, shuj costumbrecunata o shuj religionda catimandallami paicunataca discriminashpa nali tratajta ricupashcanchi. Chaimandami ashtaca gobiernocunaca ama shina discriminacionguna tiachun ashtaca leycunata churashca.

Gentecunaca paicunapurallata odiarishpa, na ricunayachirishpa causaimandami randimanda vengarishpa causan.

Talvez quiquinmanda pipash burlarijpi o mala palabracunata nishpa shinllita rimajpi o quiquinda amenazashpa charijpichari causapashcangui. Odiota charij gentecunaca siempremi shujcunataca ninandapacha llaquichishpa charin. Odiomandaca hasta huañuchitapashmi huañuchin.

Cai revistapica gentecunata millanayachishpa ricunata imashina saqui ushashcatami yachajupashun. Shinallata cai tapuicunatapashmi yachajupashun. Por ejemplo:

• ¿Imashpata gentecunaca na ricunayachirishpa causan?

• Gentecunata ali tratangapaca ¿imatata rurai ushapanchi?

• ¿Ima horapash tranquilo causaita usharingacha?