¿Imashpata gentecunaca na ricunayachirishpa causan?

¿Imamandata gentecunaca paipurallata odiarishpa causan? Pitapash na ricunayachinaca ¿imata significan? Chai nali sentimientoca ¿imashinata tiai callarirca? Shinallata ¿imashpata cunan tiempocunapipash gentecunaca odiarishpa causan?

Odianaca ¿imata can?

Odianaca shuj personata o shuj grupo de personacunata nimamandapacha na ricunayachina ganasmi can. Chaica shuj nalipacha sentimientomi can.

CHAI NALI SENTIMIENTOCA ¿IMASHINATA TIAI CALLARIRCA?

Gentecunaca huaquin razongunamandami paicunapurallata na ricunayachirishpa causan. Por ejemplo, huaquinbica paicuna imashina cajta ricushpallami gentecunataca nalicachishpa ricun. Huaquinbicarin nali personashnalla ricurimanda o caicunaca nimamanda na cambiaringachu nishpa pensarimandami gentecunataca na ricunayachin. Shinallata huaquingunacarin llaquinaitapacha llaquichi tucushcamanda o imapash injusticiacunata yalishcamandami gentecunataca na ricunayachishpa causan.

¿IMASHPATA CUNAN TIEMPOCUNAPIPASH GENTECUNACA ODIARISHPA CAUSAN?

Huaquinbica gentecunaca na ali rijsishpatami shujcunataca na ricunayachin. Por ejemplo, quiquin respetashca personamanda pipash nalicunata nishcanman. Chaimi quiquinbash na cuenta japijta nalicunata parlashca personashnallata pensai callaripanguiman. Shina cuendami gentecunapash odiai callarin.

Shinapash ¿imamandata gentecunaca shina nali sentimientocunataca charin? Bibliapimi imamanda gentecunapura odiarishpa o na ricunayachirishpa causajta intindichin. Ricupashunchi.

BIBLIAPIMI GENTECUNA IMAMANDA ODIARISHPA CAUSAJTA YACHACHIN

¿Imashpata gentecunaca na ricunayachirishpa causan? Odio imashina callarin cashcata shuj imagen. 1. Nali información tiaimanda, imatapash rurachun atichijpi, redes sociales y medios de comunicación. 2. Shuj culturata charimanda, shuj razamanda caimanda, shuj religionda charimanda. 3. Manllaimanda, cambiocuna tiajpi, imapash pasajpi, imapash ricurijpi. 4. Na ricunayachina, ñavitalla ricushpa tratana, discriminación y violencia.

CAI NALI SENTIMIENTOTACA ¿PITA CHARIRCA? Cai nali sentimiento pitapash odiana o pitapash na ricunayachina nali sentimientoca, jahua cielopimi callarirca. Diablomi Taita Diosta contrashpa na ricunayachij callarirca. Shinami shuj huañuchidor tucurca. Diabloca “llullapachami can y llullapa taitami can”, chaimandami llaquicunahuan causanchi. Shinallata gentecunapash paicunapura na ricunayachirishpa causachunmi imatapash Diabloca ruran (Juan 8:44; 1 Juan 3:11, 12). Paimanda parlashpami Bibliapica, paica pitapash na llaquij, ninanda fiñajmi can nishpa yachachin (Job 2:7; Apocalipsis 12:9, 12, 17).

TUCUI GENTECUNAMI CAI NALI SENTIMIENTOTA CHARINCHI. Adán runaca Diablota cazuimandami paica juchayuj o pecador tucurca. Y como tucui gentecuna Adán runamanda shamunchi, tucuicuna pecadorcuna capanchi (Romanos 5:12). Chaimandami Adán runapa churi Cainga, paipa huauqui Abeltaca nimamanda na ricunayachishpa huañuchirca (1 Juan 3:12). Gentecunaca randimanda juyarishpa, ali sentimientocunata charishpapash pecadorcuna caimandami, ñucanchipaca fácil can gentecunata envidiana, orgulloso cana o shujcunata odiana (2 Timoteo 3:1-5).

CAI MUNDOCA GENTECUNA JUYARISHPA ALI CAUSACHUNGA NA AYUDANLLU. Cai mundota Diablo mandajushcamandami gentecunaca paicunapurallata nimamanda na ricunayachirishpa causan (1 Juan 5:19).

Bibliapica gentecuna imamanda paicunapurallata na ricunayachirishpa causajtami yachachin. Pero shinapash ama chai nali sentimientocunata charichun, gentecunapurallata juyarichun imata rurana cashcatapashmi yachachin.