Tucuicunami randimanda juyarishpa causashun
Ñucanchicuna gentecunata na ricunayachina nali sentimientota saqui ushashpapash, shujcuna cambiachunga na obligaita ushapanchichu. Shinapash cai nali sentimientocunata charimandami ashtaca gentecuna llaquichi tucushca. Pero gentecuna randimanda juyarishpa ali causachunga ¿imata ayudanga?
Bibliapi nishcashnaca Jehová Diosllami cai nali sentimientocunata gentecuna saquichun ayudaita ushan (Proverbios 20:22).
JEHOVÁ DIOSMI TUCUI NALICUNATA TUCUCHINGA
1. SATANÁS, DIABLO. Diablomi odiarishpa causana nali sentimientotaca callarichirca. Taita Diosmi Diablota y odiana nali sentimientocunata charijcunataca tucuchinga (Salmo 37:38; Romanos 16:20).
2. DIABLOMI CAI MUNDOTACA MANDAJUN. Ñallami Jehová Diosca panda religiongunata y shinallata tucui politicocunata tucuchinga. Porque paicunamandami gentecunapash randimanda na ricunayachirishpa, odiarishpa causan (2 Pedro 3:13).
3. TUCUI GENTECUNAMI IMPERFECTO CAPANCHI. Bibliapica tucui gentecunami juchayucuna nacirinchi nin. Chaimandami alita rurangapaj munashpapash nali pensamientocunata charinchi y nali cosascunata ruranchi. Y huaquin gentecunatacarin na ricunayachishpami causanchi (Romanos 5:12). Shinapash Taita Dios ayudajpimi ñucanchica chai nali sentimientocunata saquishpa tucui gentegucunata juyaihuan ali tratashun (Isaías 54:13).
BIBLIAPICA ALI CAUSAIGU TIANATAMI YACHACHIN
1. IMAPASH INJUSTICIACUNACA ILLANGAMI. Taita Diospa Gobiernomi cai mundotaca para siempre mandanga (Daniel 2:44). Chai Gobierno mandajpica tucui gentegucunami cushilla randimanda ali tratarishpa causashun. Chaipica, cunanbi tiashca tucui llaquicunaca ñana tiangachu (Lucas 18:7).
2. TUCUICUNAMI TRANQUILO CAUSASHUN. Cai alpapica guerracuna illaj, llaquicuna illajmi causashun. Shinallata gentecunapash tranquilo alimi causanga (Salmo 46:9; 72:7).
3. TUCUICUNAMI ALI CAUSASHUN. Gentecunaca randimanda juyarishpami ali causanga (Mateo 22:39). Chaipica pipash nali sentimientocunahuan o pensamientocunahuan o pundapi sufrishcata yarishpaca ñana causangachu (Isaías 65:17). Tucuicunami tranquilo ‘ali causaihuanmi, ninanda cushijunajushun’ (Salmo 37:11).
Quiquinga ¿tranquilo cushilla causangapaj munapanguimanlla? Cunanbica millón yali testigo de Jehovacunami Bibliapa consejogucunata paicunapa causaipi pactachishpa ali causanajun (Salmo 37:8). Paicunaca shuj shuj llactacunamanda cashpapash, shuj shuj culturata, costumbrecunata charishpapash shuj familiashna ninanda juyarishpa causan (Isaías 2:2-4).
Testigo de Jehovacunaca paicuna Bibliapi yachajushcatami quiquinman yachachita ushapan. Por ejemplo, imapash injusticiacunata o discriminaciongunata imashina aguantanata. Paicunahuan Bibliata yachajushpaca gentegucunata juyaihuan tratanatami yachajuita ushapangui. Shinami tucuicunahuan ali llevarishpa quiquinllata ali sintiripangui. Shinami quiquinbash Taita Diospa Gobierno cai alpata mandajujpi causaita ushapangui (Salmo 37:29).