1 | Oración ‘Ima preocupaciongunata charishpapash paiman tucuita saquichi’

BIBLIAPICA NINMI: “Ima preocupaciongunata charishpapash paimanmi tucuita saquina capanguichi. Porque paica, quiquingunamandaca ninandami preocuparin” (1 PEDRO 5:7).

¿Imatata nisha nin?

Jehová Diosca ima problema o ima preocupacionda charishpapash, paiman villachunmi munan (Salmo 55:22). Jatun o uchilla problema cajpipash, Jehová Diosmanga villanallami canchi. Si ñucanchi preocupado sintirinchi Jehová Diospashmi preocuparin. Tranquilo sintiringapaca, primeroca Jehová Diostami mañana canchi (Filipenses 4:6, 7).

¿Imashinata ayudan?

Mentalmente nali cashpaca, tal vez solollapachachari sintirinchi. Casi siempremi ñucanchi imashapacha sintirishcataca casi nipi na intindin (Proverbios 14:10). Shinapash Taita Diosca ñucanchitaca alipachami intindin. Ñucanchita juyaihuan uyajta yachashpami, paimanga tucuita parlai ushanchilla. Jehová Diosca ñucanchitaca alimi rijsin. Imashina sintirishcata, ima llaquicuna charijtami yachan. Chaimandami ñucanchicuna ima preocupacionda charishpapash paita mañachun munan (2 Crónicas 6:29, 30).

Jehová Diosta mañashpaca, pai ñucanchita cuidana munaita charishcapimi ashtahuan confianchi. Bibliata escribij runashnami seguro sintirita ushapanchi. Paica nircami: “Ñuca llaquilla cajta can ricushcamandami, can llaquijpi ninanda cushijujusha” nishpa (Salmo 31:7). Jehová Dios ñucanchimanda preocuparishcata yachanami, ñaupaman catichun ashtahuan fuerzata cun. Paica ñucanchi llaquicunataca ricuitallaca na ricunllu. Paica ñucanchi imashapacha sintirishcataca alimi intindin. Chaimi Bibliahuan consuelota, animota charichun ayudan.

Juliandaca ¿imashinata Bibliaca ayudashca?

Ansiedad unguica ¿imashinata llaquichin?

“Ansiedadhuan, trastorno obsesivo-compulsivo unguicunatami chimbapurana cani (TOC). Ansiedadca na yashcapimi atacahuan. Ali cani yajpitami ansiedadca jaicamanda japihuan. Ashtaca gentecunapa chaupipi cashpa, ñucamandaca imatashi pensanajun yajpimi shina pasan.

”Ñuca ima unguita charishcata yachajcunaca ima modospash ayudangapami esforzarin. Huaquinbica paicunaca na ñuca munashcata ninllu. Pero ñuca ali sintirichun ayudangapaj esforzarishcamandami ninanda agradicini.

”Huaquinbica ansiedadmanda, TOC nishca unguimandami oracionda ruranaca shinlli ricurin. Jehová Dioshuan parlangapaca, mentalmenteca shinllipachami esforzarina cani. Ñuca umaca caita chaitami pensarin. Chingarinimi. Ñuca yuyaicuna na ordenbi cajpica, ñuca imashapacha sintirishcata, imata yuyashcataca Jehová Diosmanga na parlai ushanichu”.

Bibliaca ¿imashinata ñucataca ayudashca?

“Bibliapica ñuca mañaicunata Jehová Dios uyachunga, na yapa largo, ni alipacha shimicunahuan rurana na minishtirishca cashcatami yachajurcani. Huaquinbica, imata ninata na atinashpaca, solo ‘por favor Jehová ñucata ayudahuai’ ninimi. Chaigutalla nijpipash, Jehová ñucata intindijta, chai rato imatapacha minishtijujta cujtami sintini. Oracionda rurashpapash, doctorcunapa ayudatami mascashcani. Chaimi cushillami cani. Cai ishcai ayudacunamandami ashtahuan ali sintirini. Ñucapaca Taita Diosman quimirinaca asha shinllimi can. Shinapash pai ñucata juyajta, ayudangapaj munajta seguro cashpami, paiman quimiringapaj esforzarini”.