Ashtahuan importante yuyaicunata yaripashunchi

Tucuicunallatami imata estudiashcata ñapash cungapanchi. Shinapash ashtahuan importante yuyaicunata yarichunga ¿imata ayudaita ushanga?

Bibliata o publicaciongunata estudiajushpaca imata yachajushcapi pensaringapami tiempota llujchina capangui. Apóstol Pabloca huauquipanicunamanga Hebreos librota estudiashpaca ‘imata nijushcamanda ashtahuan importante yuyaicunata’ pensarichunmi animarca (Heb. 8:1). Cai shimicunata nishpaca Bibliapa yuyaicuna imata ningapaj munashcata ashtahuan intindita ushachun, shinallata chai versocuna imashinata shuj versocunahuan parecido cashcata ricuchunmi ayudarca.

Estudiajushpaca maijan yuyaicuna ashtahuan importante cashcata pensaringapami tiempota llujchina capangui. Imata yachajushcata na yuyarishpaca subtitulocunata, parrafopa callari oraciongunatami cutin liita ushapangui. Mushuj yuyaicunata yachajushpaca quiquinba propio shimicunapi imata intindishcatami nita ushapangui. Ashtahuan importante yuyaicunata yarishpaca quiquinba causaipi imashina pactachita ushanatapashmi ricupangui.