‘Macanajuica Jehová Diospami can’

Año 1990​pimi Francia llactamanda gobiernoca, Franciamanda sucursaltaca impuestocunamanda cobrangapaj munajurca. Año 1993​manda 1996​caman chasquishca donaciongunamandami impuestocunata pagachun ilegalmente exigijurca. Francia llactamanda tribunalcunaman presentarijpipash paicunaca na ayudarcachu. Apelacionda pirdijpimi Francia llactamanda gobiernoca, ñucanchi sucursalpa cuenta bancariamandaca más de 4 millones 500 mil euroscunata japishcarca. 4 millones 500 mil euroscunaca 6 millones 300 mil dolarescunami carca. Chaimandami ñucanchi casotaca Tribunal Europeoman presentarcanchi. Shinapash Tribunalca nara sentenciashpallatami gobiernopa abogadocunahuan y ñucanchipa abogadocunahuan shuj acuerdoman chayachun munarca. Chaipaca Tribunalpa representantepa ñaupaman presentarichunmi mandarca.

Tribunalpa representanteca, gobierno pagai nishca culquimanda menosta pagashpa arreglarichi nishpa obliganga yarcanchimi. Pero gobiernoman pagashpaca Bibliapi nishcataca na pactachinajunchimanllu carca. Porque huauquicuna cushca contribuciongunaca Jehová Diospa gobiernota apoyangapami carca. Francia llactapa gobiernota apoyangapaca na carcachu (Mat. 22:21). Shinapash Tribunalpa decisionda respetaimandami chai reunionmanga rircanchi.

Chai reuniondaca Tribunal Europeopa shuj jatun salapimi charircanchi. Ñucanchi pensashcashnami Tribunalpa representanteca Francia llactamanda Testigocunaca gobierno pagai nishca impuestotaca paganami can nirca. Shinapash na yashcapimi Tribunalpa representantetaca “¿Franciamanda gobierno ñucanchipa cuenta bancariamanda más de 4 millones y medio euroscunata ña japishcataca yachaparcanguichu?” nishpa tapurcanchi.

Tribunalpa representanteca chaitaca na yachashcarcachu. Chaimandami gobiernopa abogadocuna “chaica ciertomi can” nijpica, Tribunalpa representanteca ninanda culirarca. Jipaca gobiernopa abogadocunata tacurishpami “reunionga caipimi tucurin” nirca. Jehová Dios chai situacionda cambiashpa chai casota ganachun ayudashcatami cuenta japircanchi. Chaimandami chai reunionmandaca cushijushcapacha llujshircanchi.

30 de junio de 2011 huatapimi Tribunal Europeopa tucuilla miembrocunaca Testigocunapa favor sentenciarca. Chai sentenciapica Testigocunaca impuestocunataca ñana paganachu can. Shinallata Franciamanda gobiernoca cuenta bancariamanda japishca culquitaca intereshuanmi pagana can nirca. Chai ganashca juicioca cunangamanmi Franciamanda Testigocunataca benefician. Tribunalpa representanteta shuj uchilla tapuiguta rurashcamandami, Goliatta David shuj uchilla rumihuan ganashcashna ñucanchipash juiciotaca ganarcanchi. Chai ‘macanajuica Jehová Diospa cashcamandami’ ganarcanchi (1 Sam 17:​45-47).

Shuj juiciocunatapashmi ganashcanchi. Curacuna, pastorcuna y politicocuna jarcajpipash mil 225 juiciocunatami ganashcanchi. Chai juiciocunataca 70 llactapa importante tribunalcunapi y huaquin internacional tribunalcunapipashmi ganashcanchi. Chai sentenciacunami ñucanchi religión reconocimiento legalta charichun y libremente predicachunbash ayudashca. Shinallata himno nacionaltapash ama candachun, banderatapash ama jurachun y yahuartapash ama chasquichunmi ayudashca.

Shinapash ¿imashinata central mundialpi sirvijushpapash, Tribunal Europeo de Derechos Humanospi testigo de Jehovacunapa derechocunata difindi callarircani?

PREDICANATA GUSHTAJ TAITAMAMATAMI CHARIRCANI

Ñuca taita George y ñuca mamita Lucilleca, Escuela de Galaadpa clase 12manmi rishcarca. Ñuca nacirishca 1956 huatapimi paicunaca Etiopía llactapi sirvinajurca. Ñucataca “ali villaicunata villachij Felipemandami’ Philip shutita churahuarca (Hech. 21:8). Etiopiamanda gobiernoca 1957​pimi ñucanchi obrataca prohibirca. Chaimandami ñucanchica reuniongunaman y predicacionmanbash pacalla rin carcanchi. Huahua caimandaca chaica ñucapaca divertidomi carca. Pero 1960 huatapica Etiopía llactamandami llujchishpa cachai tucurcanchi.

Chaimandami Estados Unidospa Wichita llactapi causangapaj rircanchi. Ñuca papitocunaca siempremi misionerocunashna villachin carca. Chaimandami ñucanchicunapash paicunapa ejemplota catircanchi. Papitocunami ñuca pani Judyta, ñuca huauqui Leslieta y ñucatapash Jehová Diosta tucui shunguhuan juyachun, sirvichun ayudarca. Quimsandimi Etiopía llactapi nacirircanchi. Ñucaca 13 huatacunata charishpami bautizarircani. Quimsa huatacuna jipaca, Perú llactapi predicangapaj ayudata minishtinajujta yachashpami chaiman causangapaj rircanchi.

1974 huatapimi Perumanda sucursalca ñucatapash y chuscu huauquicunatapash precursor especialcuna cachun nombrarca. Chai horasca 18 huatacunatallami charircani. Ñucanchitaca cordillera central de los Andespi nara villachishca pushtucunapi predicachunmi cacharca. Chaipica quechua shimita y aymara shimita parlaj runa gentecunamanbashmi predicarcanchi. Rectángulo cajashnalla carropimi purin carcanchi. Chaimandami chai carrotaca Arca nishpa rijsin carcanchi y chai carropillatami puñun carcanchi. Runa gentecunamanga, pobrezatapash, unguicunatapash y huañuitapash ñallami Jehová Diosca tucuchinga nishpami Bibliahuan yachachin carcanchi (Apoc. 21:​3, 4). Ashtaca runa gentecunami Jehová Diosta sirvi callarirca.

CENTRAL MUNDIALPI SIRVICHUNMI INVITARCA

1977 huatapimi Cuerpo Gobernantepi sirvijuj Albert Schroeder shuti huauquiguca Peruta visitarca. Paica central mundialpi sirvichunmi solicitudta jundachichun animahuarca. Chaimi solicitudta jundachircani. Shinami 17 de junio de 1977​taca Brooklyn Betelpi sirvi callarircani. Chuscu huatacunatami Departamento de Limpiezapi y Departamento de Mantenimientopi sirvircani.

Junio de 1978 huatapimi Nueva Orleans llactapi shuj asamblea internacional tiarca. Chaipimi Elizabeth Avallone shuti paniguta rijsircani. Paipa taitacunaca ñuca taitacunashnami Jehová Diostaca tucui shunguhuan sirvin carca. Elizabethca chuscu huatacunatami precursora regular cashcarca. Paica toda la vidami Jehová Diosta tiempo completopi sirvingapaj munarca. Elizabethuanga seguidomi parlan carcanchi y enamorarishpami 20 de octubre de 1979​pica cazararcanchi. Ishcandimi Betelpi sirvi callarircanchi.

Primeroca Brooklyn Spanish congregacionbimi sirvinajurcanchi. Chai congregacionmanda huauquipanicunaca ninandami ñucanchitaca juyarca. Jipamanga shuj quimsa congregaciongunapipashmi carcanchi. Chaipi huauquipanicunapash ñucanchitaca ninandami juyarca y Betelpi sirvishpa catichunbashmi animarca. Chai huauquipanicunata, amigocunata y familiacunataca ñucanchi mayoriashca taitamamacunata cuidashpa ayudashcamandaca ninandami agradicipanchi.

DEPARTAMENTO LEGALPIMI SIRVI CALLARIRCANI

Enero de 1982 huatapimi Betelpa Departamento de Asuntos Legalesman cachahuarca. Quimsa huatacuna jipaca título de abogadota llujchichunmi universidadman cachahuarca. Estados Unidosmanda y shuj llactamanda gentecunapash Testigocuna juiciocunata ganashcamanda tauca cosascunata libremente rurai ushashcatami cuenta japircani. Clasecunapica Testigocuna ima importante casocunatalla ganashcatami tauca horascunata estudian carcanchi.

1986​pica Departamento de Asuntos Legalespi superintendente cachunmi nombrahuarca. Chai huatapica 30 añostami charircani. Joven cajpipash Betel ñucapi confiashpa superintendente cachun nombrashcamandaca cushillami carcani. Pero ashtaca cosascunata na yachaimandami preocupado carcani. Cai asignacionda pactachinaca dificilmi cagrin yarcanimi.

1988 huatapimi título de abogadotaca ña charircani. Shinapash universidadpi estudiajuimanda Jehová Diosmanda caruyajushcataca na cuenta japishcarcanichu. Universidadpi estudiocunami gentecunataca ashtahuan progresana importante cashcata y na estudiashca gentecunamanda ashtahuan mejor cashcata pensachin. Shinapash Elizabethmi ñucataca asha asha Jehová Diosman cutin quimirichun ayudahuarca. Cunanbimi estudiocunaca na yapa importante cashcata sino Jehová Diospa amigo cana, paita juyana y paita sirvijcunata juyana ashtahuan importante cashcata cuenta japipashcani.

LEGALMENTE PREDICANGAPAMI AYUDAPASHCANCHI

Graduarishca jipaca, Betelpi legalmente ayudachun minishtijuj cosascunapi y ñucanchi organización ali villaicunata libremente predicachunmi ayudai callarircani. Chai casocunapi trabajanataca gushtarcanimi. Pero Jehovapa organizacionbi ñapash cambiocuna tiaimandami huaquinbica difícil carca. Por ejemplo, pundaca ñucanchi publicaciongunamandaca cobranmi carcanchi. Shinapash 1990​pica, publicaciongunamanda ñana cobrashpa legalmente imata ruranata yachangapami Departamento de Asuntos Legalestaca ayudata mañarca. Chai huatamandami testigo de Jehovacunaca publicaciongunamandaca ñana cobrarcanchi. Chaimi Betelpipash y congregaciongunapipash menos trabajo tiarca. Gobiernopash impuestocunata exigina derechotaca ñana charircachu. Huaquingunaca culquita ñana cobrashpaca, publicaciongunata ruraitaca ñana ushashunllu, Jehová Diosta rijsingapaj munaj gentecunaman publicaciongunata saquitapash ñana ushashunllu yarcami. Pero ñucanchi yuyashcashnaca na pasarcachu. Porque cunanbica 1990 huatamandapash doblemi Jehová Diosta sirvijcunaca mirashca. Gentecunapash nimata na pagashpami Jehová Diosmanda parlaj publicaciongunataca chasquin. Jatun cambiocuna tiajpipash, Jehová Dios ayudajpilla y aliguta cazushpa sirvij esclavo instrucciongunata cujpillami tucui ali llujshin (Éx. 15:2; Mat. 24:45).

Tauca juiciocunataca ali abogadocuna cashcamandaca na ganapashcanchichu. Sino ñucanchi huauquipanicunapa ali comportamientomandami ganapashcanchi. Por ejemplo, 1998​pimi Cuba llactapica asamblea de distritocunami tiarca. Chai asambleacunamanga Cuerpo Gobernantemanda quimsa huauquicunami paicunapa huarmigucunandi rirca. Paicuna juyaihuan, respetohuan comportarijta ricushpami Cuba llactamanda autoridadcunaca Testigocuna ciertopacha política cosascunapi na chapurijta crirca.

Shinapash huaquinbica ‘legalmente ali villaicunata villachingapami’ tribunalcunaman rina tucushcanchi (Filip. 1:7). Por ejemplo, Europa llactapi y Corea del Surpi Testigocunaca servicio militarta na rurana derechotami charipanchi. Shinapash Europa llactamanda y Corea del Sur llactamanda autoridadcunaca chai derechotaca ashtaca huatacunatami na respetashca. Chaimandami Europa llactapica casi 18 mil huauquicuna y Corea del Surpica más de 19 mil huauquicuna carcelpi cashca. Paicunapa concienciapi ali sintiringapaj munashpa servicio militarta na rurashcamandami paicunataca carcelpi churashca.

Shinapash 7 de julio de 2011​tami Tribunal Europeo de Derechos Humanosca, Bayatyan contra Armenia nishca juiciopica shuj sentenciata curca. Chai sentenciapica, Europa llactapa tucuilla llactacunatami “gentecunataca servicio civil alternativota rurachun saquinami canguichi” nishpa ordenarca. 28 de junio de 2018​tapashmi Corea del Sur llactapa Tribunal Constitucionalpash chaitallata decidirca. Chai importante juiciocunataca ñucanchi joven huauquicuna servicio militarta na rurangapaj shinlli shayarishcamandami ganaita ushapashcanchi.

Central mundialpi y sucursalcunapi departamentos de asuntos legalescunaca Testigocuna ali villaicunata legalmente predicachunmi shinllita trabajan. Gobiernocuna jarcajpi sufrinajuj huauquipanicunata ayudanaca shuj jatun privilegiomi can. Juiciocunata ganashpa o na ganashpapash siempremi gobernadorcunaman, reycunaman y shuj gentecunamanbash Jehová Diosmanda parlai ushapashcanchi (Mat. 10:18). Juezcuna, autoridadcuna y gentecunaca Testigo de Jehovacuna presentashca documentocunapi escribishca texto biblicocunatami liina tucushca. Shinallata tribunalpi ñucanchi casota difindingapaj imacunatalla nishcatami uyana tucushca. Ali shunguta charij gentecunaca testigo de Jehovacunatami ashtahuan rijsita ushashca, ñucanchi crishcacunapash Bibliamanda cashcatami ricushca. Huaquingunacarin Jehová Diostami sirvi callarishca.

JEHOVÁ DIOSTAMI AGRADICIPANI

40 huatacunatami mundo enteropi shuj shuj sucursalcunataca asuntos legalescunapi ayudapashcani. Shinallata jatun tribunalcunapa, importante autoridadcunapa ñaupapipashmi presentaripashcani. Central mundialpi y shuj shuj sucursalcunapi Departamento de Asuntos Legalespi sirvinajuj huauquicunataca ninandami juyapani. Jehová Diosta chashna sirvi ushashcamandaca ashtaca bendiciongunatami charipashcani y cushillami causapashcani.

Elizabethca 45 huatacunatami ali y difícil tiempocunapipash siempre ayudahuajushca. Paipa saludhuan nali cashpapash ñucata ayudajushcamandaca ñuca huarmigutaca ninandami juyapani.

Ñucanchicunaca na ñucanchipa fuerzahuanlla shinlli tucui ushashcatami yachajupashcanchi. Imatapash mishangapaca Jehová Diospa ayudatami minishtipanchi. David nishcashnaca Jehová Diosmi paipa ‘agllashcacunapaca shinlli torreshna’ can (Sal. 28:8). ‘Macanajuica Jehová Diospami can’.