JESUSPA CHAQUITA CATISHPA CAUSASHUNCHI
Huasin huasin villachijushpaca ali portaripashunchi
Gentecunaca Jesusta catijcunataca ricunajunmi (1 Cor. 4:9). Chaimandami huaquinbica, ventanamanda, o ñucanchicuna imata parlanajujtaca pungu huashamanda uyanajun. Huaquin huasicunapicarin camaracunapash tianmi. Chaimandami imata parlanajujta, ruranajujta grabajun. Shinaca, huasin huasin villachinajushpaca, cai cati yuyaicunatami yarina capanchi (2 Cor. 6:3).
¿IMATATA NA RURANA CAPANCHI? (Filip. 1:27)
Gentecunata respetaimandami, gentecunapa huasi ucutaca na chapajuna capanchi. Huasi pungupi shayanajushpaca, na micujunachu capanchi, imatapash na ufiajunachu capanchi, telefonopi parlaita, mensajeta cachaitapash na cachajunachu capanchi.
¿IMASHINATA SHUYANA CAPANCHI? (Efes. 4:29)
Punguta pascachun shuyanajushpaca ¿ñucanchi imata parlanajushcata huasi dueño uyachun munanchimanllu? Huaquingunaca, cumbahuanbash na parlashpami, huasi dueño llujshimujpi imata ninatarapash aliguta pensarishpa, upalla shayanajun.