LECCIÓN 11

Cushilla parlapangui

Hechos 18:24, 25

¿IMATATA RURANA CAPANGUI? Quiquinda uyajcunata animangapaca shungumanda parlapangui.

Shungumanda parlapangui. Quiquin parlagrijushca información importante cashcatami, prepararijushpallata pensarina capangui. Shinallata, shungumanda parlangapaca, quiquin parlagrijushca informaciondaca alimi repasana capangui.
Quiquinda uyajcunapi pensaripangui. Quiquin liigrijushca, yachachigrijushca informacionhuan imashina ayudanatami pensarina capangui. Shinallata “ashtahuan alicachichun, ashtahuan ali intindichunga ¿imashinata cai informaciondaca liina, yachachina cani?” nishpami pensarina capangui.
Uyanaita parlapangui. Cushilla, maquicunatapash ashaguta alzashpa, ashaguta cuyuchishpa parlapangui. Cushilla o llaqui yuyaicunamanda parlajushcataca, quiquinba ñavipipashmi ricuchina capangui.

Maquicunata ashaguta alzashpa cuyuchishpa parlashpapash, na siemprechu shinallata rurajuna capangui. Siempre shinallata rurajujpica, quiquinda uyajcunaca quiquinba maquicunatarami ricunajunga. Importante yuyaicunata yachachingapaj, alita rurachun animangapaca cushilla parlapangui. Shinapash, tucui rato cushijushcalla parlajujpica, quiquinda uyajcunaca shaijungami.