LECCIÓN 15

Ciertopacha crishcata ricuchishpa parlapangui

1 Tesalonicenses 1:5

¿IMATATA RURANA CAPANGUI? Tucui shunguhuan crishpa parlajushcatapash, quiquin yachachijushca yuyai importante cashcatapashmi ricuchina capangui.

Alipacha prepararipangui. Maijan yuyaicuna minishtirishca cashcata, shinallata chai yuyaicunata Bibliahuan ricuchingapami informaciondaca estudiana capangui. Chai yuyaicunata ashalla shimicunapi intindirijta ningapapash esforzaripangui. Chai informacionhuan imashina ayudanatapash pensaripangui. Jehovatapash mañapangui.

Imata nigrijushcata umapi charingapaj, ali yachachi ushangapaca, imata nigrijushcatami uyarijta repasana capangui.
Ciertopacha crishcata ricuchishpa parlangapaca, ali shimicunahuan parlapangui. Escribishca tiajuj shimicunatallata ripitijunapa randica, quiquinba shimicunapillatami parlana capangui.
Shungumanda parlapangui. Uyarijtami parlana capangui. Quiquinba llactapi gentecuna na culirajpi, ali cana cajpica ñavita ricushpa parlanallami capangui.

Ciertotami nijuni nishpapash, na yangata imacunatapash ninallachu capangui, culirapash na parlajunachu capangui. Imata parlajushpapash, quiquinba nishcahuanga na yalinachu capangui. Chaipa randica juyaihuanmi parlana capangui.