LECCIÓN 14

Minishtirishca yuyaicunata intindichipangui

Hebreos 8:1

¿IMATATA RURANA CAPANGUI? Quiquinda uyanajujcunataca intindishpa uyanajuchunmi ayudana capangui. Minishtirishca yuyaicunaca quiquinba temamandallata parlajushcata, chai temapa propositomandallata parlajushcatami ricuchijuna can.

¿IMASHINATA RURANA CAPANGUI?

Imapi, imashina ayudangapaj munashcatami yaipi charina capangui. Pensaripai: “Cai discursoca ¿animangapaj, imapash yuyaita intindichingapaj, o villangapallachu can?” nishpa. Chaita intindishca jipami discursotaca prepararina capangui. Shinallata, minishtirishca yuyaicuna discursopa propositota apoyajujtaca alimi ricuna capangui.

Tapuripai: “Discursota uyajcunaca ¿imacunatallashi tapurinman?” nishpa. Chai jipami, cada tapuita imashina contestanata ricushpa prepararina capangui. Shinami quiquinda uyajcunataca paicunallata pensarishpa, intindishpa, pactachichun ayudai ushapangui.
Quiquinba discursopa tema maijan cashcataca alimi intindichina capangui. Chaipaca, discursopa temapa importante shimicunatami huaquinbi huaquinbica cutin tigrashpa nita ushapangui.
Minishtirishca yuyaicunataca claro, jahuallaguta intindichipangui. Tucuchina tiempopi tucuchi ushana yuyaicunatalla, temahuan ricunata charij yuyaicunatallami intindichina capangui. Huaquin minishtirishca yuyaicunatalla agllashpami ali intindichina capangui. Shuj yuyaita intindichishca jipaca, ashaguta shuyashpami cati yuyaimanga yalina capangui.

Discursota ali intindishpa uyanajuchunga, callaripillatami maijan yuyaicuna importante cashcata nita ushapangui. Importante yuyaicunata yarichunga, discursota tucuchijushpapashmi cutin yarichi ushapangui.