PRECIOCUNA SUBIJPICA ¿IMATATA RURANA CANCHI?

Charishca cosascunahuanllami cushilla causana canchi

Charishcaguhuanlla causajcunaca paicunapa causaipica cushillami can. Y paicunapa causaipi ima cambiocuna o problemacuna ricurijpipash, charishca cosascunahuanlla causangapami esforzarin.

¿IMASHPATA IMPORTANTE CAN?

Jessica Koehler psicologaca cuenta japircami, paicunapa causaihuan cushilla causaj gentecunaca shujcunahuan ali, na envidiashpa causajcuna cashcata. Chaimandami chai gentecunaca cushilla causan, estrés unguipash paicunataca na yapa afectan. Cai mundopi huaquin gentecunaca ashagutalla charishpapash cushillami causan. Paicunapaca familiahuan, amigocunahuan tiempota yalinami culquitapash yali ashtahuan importante can.

“Ñucanchi charishca micunahuanlla y charishca ropaguhuanlla contento capashunchi” (1 Timoteo 6:8).

¿IMATATA RURAI USHANGUI?

Shujcunahuanga na compararinachu cangui. Quiquin minishtirishca cosasgucunahuanlla causajushpa, cutin shujcuna ashtaca caro cosascunata charijtashna ricushpa compararishpaca, na aliguta pensarishpami envidiaitara ushanguiman. Shina compararinaca pandachita ushanmi. Ashtaca caro cosascunata charij gentecunaca ninanda dibi tucushcami caita ushan. Senegal llactamanda Nicole huarmiguca ninmi: “Cushilla cangapaca na ashtaca cosascunata minishtinichu. Ñuca charishca cosasgucunahuan ali causajushpaca, shujcuna ashtaca cosascunata charijpipash ñucaca cushillami cani” ninmi.

Caita rurapai: Redes socialespa anunciocunapi, publicaciongunapi ashtaca culquita, ashtaca caro cosascunata charij gentecunata ricujunaca nalichu can.

“Porque ashtaca cosascunata charishpapash, chai cosascunamanda unaita causaitaca pipash na ushangachu” (Lucas 12:15).

Agradecidomi cana cangui. Agradecido gentecunaca charishca cosasgucunahuanmi cushilla causan. Paicunaca ashtahuan cosascunata charinatami miricini nishpapash na pensanajunllu. Haití llactamanda Robertonga ninmi: “Ñucamanda, ñuca familiamanda shujcuna imata rurashcata pensaringapami tiempota llujchini. Shinami chai personacunataca ninanda agradicini. Shinallata 8 huatata charij ñuca huahuamanbash shujcuna imaguta carajpipash agradicinatami yachachipani” ninmi.

Caita rurapai: Cada punlla imagumandapash agradicishcata shuj cuadernogupi anotapai. Por ejemplo, saludmanda, ali familiata charishcamanda, amigocunamanda, shinallata ali punllaguta charishcamandapash agradicipai.

“Cushilla causajuj runapaj shungupica, punllandi jatun micuita ruranshnami causanajun” (Proverbios 15:15).

Charishca cosascunahuanlla causanaca huaquinbica na facilchu can. Pero shina causanaca alimi can. Shina causashpaca cushillami cashun. Shina cushilla causaitaca culquihuanbash na randi ushashunllu.