Tucuipi honrado cashunchi

Tucui gentecunami honrado amigocunata charingapaj munan. Jehová Diospashmi paipa amigocunapash honradocuna cachun munan. Shinapash cai mundopi ashtaca nali gentecuna tiaimandami honrado canaca difícil can. Pero tucuipi honrado canaca ¿imashinata ayudan?

1. Honrado canaca ¿imamandata importantepacha can?

Shujcunahuan honrado cashpaca Jehová Diosta juyashcata y respetashcatami ricuchipanchi. Jehová Diosca ñucanchi imata pensajta, shinallata imata rurajtaca ali alimi yachan (Hebreos 4:13). Ñucanchicuna honradocuna cajta ricushpaca Jehová Diosca ninandami cushijun. Bibliapica ninmi: “Mandaj Diosca, […] nalita rurajtaca millanayachinmi. Ashtahuangarin [alitalla] rurajcunapaca, ali cumbagumi” tucun (Proverbios 3:32).

2. Ñucanchi causaipica ¿imacunapillata honrado cana capanchi?

Jehová Diosca ‘caishujmanda, chaishujmanda na llullashpa parlachunmi’ munan (Zacarías 8:16, 17). Chaipaca ¿imatata rurana capanchi? Ñucanchi familiacunaman, trabajopi cumbacunaman, congregacionbi huauquipanicunaman o autoridadcunaman imacunatapash nijushpaca na llullanachu capanchi. Honrado gentecunaca na llullanllu, ni shuhuaitapash na shuhuanllu (Proverbios 24:28 y Efesios 4:28, liipangui). Shinallata impuestocunatapash siempremi pagan (Romanos 13:5-7). Ñucanchicunaca ñucanchi tucui causaipi honradocuna cangapami esforzarina capanchi (Hebreos 13:18).

3. Honrado cashpaca ¿imashinata beneficiarinchi?

Tucuipi honrado cajpica shujcunaca ashtahuanmi ñucanchipica confianga. Shinallata congregacionbi honrado cangapaj esforzarijpica, huauquipanigucunaca ñucanchipi ashtahuanmi confianga. Shinami shuj familiashna caita ushapashun. Y shuj ali concienciata charimandaca cushillami causashun. Tucuipi honrado cashpaca ‘Taita Diospa yachachishcacuna juyaillagu cajtami’ ricuchishun. Y chaita ricushpaca shujcunapashmi Jehová Diosmanda yachajungapaj munanga (Tito 2:10).

ASHTAHUAN YACHAJUPASHUNCHI

4. Honrado cajpica Jehová Diosca ninandami cushijun

Salmo 44:21 y Malaquías 3:16​ta liishpa, cai tapuicunata contestapangui:

• ¿Pipash na yachai chayangachu nishpa imatapash pacalla ruraita ushapanchichu? ¿Imatata yuyapangui?

• Na fácil cajpipash cabalguta parlanata decidijpica ¿imashinashi Jehová Diosca sintiringa?

5. Tucuipi honrado cangapaj esforzaripashunchi

VIDEO: ¿Cushilla causachunga imata ayudan? Ali concienciata (o ali shunguta) charina (2:32)

Hebreos 13:18​ta liishpa, caicunapi imashina honrado cana cashcata parlapai:

• Familiapi

• Trabajopi o escuelapi

• Shuj ruraicunapipash

6. Honrado canaca ñucanchitallatami ayudan

Honrado caimandaca talvez problemacunatami charipashun. Pero honrado cangapaj esforzarishpaca alitami ruranajupanchi. Salmo 34:12​manda 16​caman liishpa, cai tapuita contestapangui:

• Tucuipi honrado canaca ¿imashinata ñucanchi causaipica ayudan?

1. Cusahuarmicuna honrado cajpica, familiapica ashtahuan confianzami tiaita ushan

2. Trabajopi honrado cajpica, jefecunaca ashtahuanmi ñucanchipica confianga

3. Autoridadcunahuan honrado cajpica, ñucanchicunataca alimanmi ricun

YARINGAPAJ

Jehová Diosca paipa amigocuna tucuipipacha honrado cachunmi munan.

¿Imatata yachajupashcanchi?

• ¿Imacunapillata honrado cana capanchi?

• “Pipash na yachai chayangachu” nishpa ¿imatapash pacalla ruraita ushapanchichu?

• ¿Imamandata honrado cangapaj munapangui?

CAITAPASH RICUPAI

Taitamamacunaca ¿imashinata paicunapa huahuacunaman honrado canata yachachita ushan?

Ama llullashpa parlai (1:44)

Ima nishcata pactachijcunaca ¿imashinata beneficiarin?

Ñucanchipa nishcacunata pactachishpa Jehová Diospa bendiciongunata chasquishunchi (9:09)

Impuesto pagashca culquita nali utilizajpipash impuestota pagana cashcata o na pagana cashcata ricupai.

“Impuestocunataca ¿paganachu capanchi?” (Villajun revista, 1 de septiembre de 2011)

Pundacunapi gentecunata umachishpa shuhuanata yachaj mishugu imamanda honrado tucushcata ricupai.

“Jehová Diosca perdonaj, ali Dios cashcatami yachajurcani” (Villajun revista, 1 de mayo de 2015)