1 Korintien

10 Azot mon bann frèr, mi vé pa ké zot i oubli ké tout nout bann zansèt té dosou lo nuaj é ké tout banna la travèrs dan la mèr, 2 ké tout la batiz dann Moiz gras lo nuaj èk la mèr, 12 Donk, ke sak i pans ke li lé debout i fé atansion pa tonbé. 13 Tout bann tantasion ke zot la suporté lé parèy pou tout domoun. Mé Bondieu lé fidèl ; li va pa pèrmèt ke zot lé tanté plus ke sak zot lé kapab suporté é, kan la tantasion va arivé, li va prépar osi in moiyin pou chapé pou ke zot i ansort azot, pou ke zot i gingn tienbo ansanm. 21 Zot i pé pa boir la koup Jéova é la koup bann démon ; zot i pé pa manj su la « tab Jéova » é su la tab bann démon. 23 Tout zafèr lé pèrmi, mé pa tout na in lavantaj. Tout zafèr lé pèrmi, mé pa tout lé ankourajan. 24 I fo pa ké chakèn i kontinié rod son prop lintéré, i fo li rod sak lé zot. 31 Donk, kan zot i manj, kan zot i boi, k’inport sak zot i fé, fé tout pou la gloir Bondié. 32 Fé atansion pa fé tonb bann juif, bann grèk oubien lasanblé Bondié ; 33 moin mèm mi éfors amoin fé plézir toulmonn dan tout zafèr olèrk rod mon prop lintéré, mi rod lintéré in bonpé, pou ké zot i gingn la vi.