Alon devnir plu gabié dann prédikasion : Préché par téléfonn

POUKOSA LÉ INPORTAN : Prèch par téléfonna lé in fason inportan pou « rann témoiniaj a fon pou la bonn nouvèl » (Akt 20:24). I pèrmèt prèch avèk bann domoun kan néna bann situasion ki empèch anou trouv azot zot kaz.

KOMAN I FO FÉ :

• 

  I fo prépar aou. Choizi in sujé ki intérès in bonpe domoun, apré fé le plan out diskusion. Prépar osi inn ti mésaj ki ésplik poukosa ou apèl, si ou tonm su in répondeur. Ou va trouv petèt bien d’asiz aou a tab, avèk out plan é tout sak ou la bezoin, kom in laparèy éléktronik avèk laplikasion JW Library^® oubien le sit jw.org^® ke lé ouvèr.

• 

  I fo ke ou lé alèz. Koz kom tou lé jour. Fé in sourir é bann jès komsi le moun té voi aou. Kan ou lé antrèn kozé, arèt pa ou chak instan. Kan nou prèch par téléfonn, lé bien d’èt avèk dot proklamateur. Kan in moun i poz aou in késtion, répèt ali pou ke out kamarad prédikasion i èd aou trouv le répons.

• 

  I fo prépar le premié vizit. Si le moun lé intérésé, ou pe poz in késtion ke ou va réponn kan ou va raplé. Ou pe osi propoz ali amèn in publikasion, oubien anvoiy ali sa par mèl ou par lèt. Ou sinon, ou pe anvoiy ali in vidéo ou in sujé par téksto ou par mèl, ou mèm invit ali dékouv in sujé prési su nout sit lintèrnèt.