Èske ou lé paré si domoun i révolt azot ?

Plus la fin i ariv, plus nou atann ke nora bann révolt, bann zatak téroris, é bann gèr dann monn antié (Rév 6:4). Koman èt paré pou bann zafèr dur va arivé ?

• Dann domèn spirituèl : Rod bann prinsip é bann zistoir la Bib ki ranfors out foi an Jéova é dan son lorganizasion, é out volonté pou pa may dann zafèr le monn (Prov 12:5 ; jr-F 125-126 § 23-24). An plus, zordi mèm, i fo ranfors bann lien èk nout bann frèr é seur dan lasanblé (1 Pièr 4:7, 8).

• Dann domèn util pou nou : Fé sak i fo pou prépar aou, ankak ou lé konfiné, é pousa fé bann rézèrv. Réfléchi koman kit out kaz vitman é kèl koté alé. Gard kosa néna dan out sak survi ; oubli pa mèt bann gan, mask é inn ti moné. Fé ansort ke bann zansien i koné koman kontak aou é ke ou koné koman jouèn azot osi (Izai 32:2 ; g17.5-F 3-7).

Si domoun i révolt azot, kontinué out bann zaktivité spirituèl (Fil 1:10). Vo mieu rès out kaz le plus posib, sof si, i fo ou sov vitman (Mat 10:16). Partaj èk lé zot sak ou néna pou manjé é dot zafèr ankor (Rom 12:13).

GARD LE VIDÉO ÈSKE ZOT LÉ PARÉ POU AFRONT NINPORT KÈL KATASTROF ?, APRÉSA RÉPONN BANN KÉSTION LA :

• Koman Jéova i pe sekour anou si in katastrof i ariv ?

• Kèl zafèr nou pe fé pou prépar anou pou afront bann katastrof ?

• Koman donn in koudmin sak la gingn dézagréman akoz in katastrof ?