Èske ou ésèy voir koman Jéova i réponn out bann priyèr ?

Dan la Bib na plin zistoir ki rakont koman Jéova la réponn bann priyèr. Kan bann sèrviteur fidèl dann tan lontan, té voi ke Jéova té fé in kont èk bann traka ke zot lavé, é ke li té èd azot, lé sur ke sa té ranfors zot foi. Sé pousa, kan nou pri pou nou mèm, lé bien ke nou donn bann ti détay, é aprésa nou ésèy voir koman Jéova la réponn anou. Oubli pa in nafèr, petèt son répons sra pa sak ou éspèr, oubien sra plus ke sak ou la demandé (2 Kor 12:7-9 ; Éféz 3:20). Pou réponn zot bann priyèr, kosa Jéova i pe donn son bann sèrviteur ?

• La fors fizik, moral ou spirituèl pou gingn surmont bann kou dur (Fil 4:13).

• La sajès ki fo pou pran in bon désizion (Jak 1:5).

• Lanvi é la fors pou fé kékchoz (Fil 2:13).

• La pé dann keur (Fil 4:6, 7).

• Lèd dot krétien, ki fé in nafèr pou zot, ki donn azot kékchoz ou ki ankouraj azot (1 Jan 3:17, 18).

• In lèd pou bann domoun pou kisa zot i pri (Akt 12:5, 11).

GARD LE VIDÉO « JÉOVA I ÉKOUT LA PRIYÈR », APRÉSA RÉPONN BANN KÉSTION LA :

• Koman sak frèr Shimizu la di, i pe ankouraj in krétien ki gingn pu fé gran choz akoz son santé ?

• Koman nou pe suiv légzanp frèr Shimizu ?