14-20 JULIÉ

PROVÈRB 22

Kantik 79 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. Bann prinsip saj pou éduk marmay

(10 min)

Prépar zot marmay pou bann situasion difisil dan la vi (Prov 22:3 ; w20.10-F 27 § 7).

Komans éduk azot kan zot lé ankor inn ti baba (Prov 22:6 ; w19.12-F 26 § 17-19).

Rodrès zot fason aji, èk plin lamour (Prov 22:15 ; cl-F 120 § 10).

In papa èk jantiyès, i ansèrv la Bib pou rézone èk son fi. Dési son tablèt néna bann zétap lévolusion.

2. Bann ti pèrl dan la Bib

(10 min)

Prov 22:29 : Koman i pé aplik vèrsé-la, pou bann zaktivité dan lasanblé, é kèl bon zafèr nou va gingné ? (w21.08-F 22 § 11).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 22:1-19 (th loson 10).

DÉVIEN PLI GABIÉ DAN LA PRÉDIKASION

4. Promié diskusion

(3 min) KAZ AN KAZ. (lmd loson 5 poin 4).

5. Promié diskusion

(4 min) TÉMOINIAJ INFORMÈL. Mont lo moun koman trouv su jw.org bann zinformasion pou èd bann papa momon (lmd loson 1 poin 4).

6. Diskour

(5 min) ijwyp lartik 100. Tèm : Ma la dézobéi papa momon... kosa i fo fé astèr ? (th loson 20).

NOUT VI KRÉTIEN

Kantik 134

7. Mont zot lé pasian, mé fèrm pa lo zié dési

(15 min). Diskusion.

Pou fé grandi marmay, i fo la pasians. Bann papa momon i doi toultan fé in kont èk sak i èspas dan la vi zot marmay, é rézèrv in tan pou pas èk zot marmay san gard lèr (Dét 6:6, 7). Pou konèt kosa néna dan lo kèr zot marmay, bann papa momon i doi ankouraj azot pou kozé, é bien ékout azot (Prov 20:5). An plis, avan ké zot marmay i konpran é i obéi in rokomandasion, parfoi i fodra zot i rodi azot sa, in paké d’foi.

Parkont, i fo pa tronpé, parské néna in diférans ant fé mont la pasians é fèrm lo zié dési bann mové konportman. Jéova la done lo droi bann papa momon, pou mèt bann limit é èd in marmay rodrès é chanj son fason aji, kan li dézobéi (Prov 6:20 ; 23:13).

Lir Éfézien 4:31. Aprésa poz kèstion-la :

Akoz bann papa momon i doi pa korij zot marmay kan zot lé an kolèr ?

Out répons

Lir Galat 6:7. Aprésa poz kèstion-la :

Akoz lé inportan ké bann papa momon i fé konpran zot marmay, ké in moun i rékol toujour sak li sèm ?

Out répons

Zimaj tiré dan lo vidéo « “Èk pasians, alon suport anou inn é lot dan lamour » : Out bann marmay” ». Èk plin la pasians, Max i ékout son fi, Zoé.

Mont lo FIM « Èk pasians, alon suport anou inn é lot dan lamour » : Out bann marmay. Aprésa poz kèstion-la :

Kèl loson ou tir dési vidéo-la ?

Out répons

8. Létud la Bib lasanblé

(30 min) lfb « Lèt Kolèj santral », prézantasion pou lo parti 1 é zistoir 1.