Èske in krétien i pe aksèp bann trètman pou fé soign ali ?
Sak la Bib i di
Bien sur ! Kan Jézu la di : « Lé pa domoun lé an form ke la bezoin dokteur, mé bann malad », li la fé konprann ke son bann disip té pe rod bann trètman pou fé soign azot (Matieu 9:12). La Bib lé pa in liv dokteur. Mé li donn bann vérité pou gid sak i ve fé plézir Bondieu.
Poz aou bann késtion la...
1. Èske mi konpran bien le trètman i propoz amoin ? La Bib i ankouraj rod bann zinformasion fiab olèrk « kroi[r] tout sak i di » (Provèrb 14:15, Jérusalem).
2. Èske mi devré demann in deuzièm dokteur oubien in troizièm kosa li pans ? I pe rann sèrvis alé voir « bonpe d’moun i donn konsèy », surtou si ou néna in gro problèm santé (Provèrb 15:22, Parole de Vie).
3. Èske trètman la va pous amoin dézobéi komannman la Bib ki di « refuz [...] le san » ? (Akt 15:20).
4. Èske le konsultasion oubien le trètman i fé rant anou an kontak avèk bann mové zéspri ? La Bib i kondann rant an kontak avèk bann mové zéspri (Galat 5:19-21). Réfléchi su bann késtion la :
Èske le moun ki soign aou i rant an kontak avèk bann mové zéspri ?
Detroi i pans ke si néna bann maladi sé parske nou la mèt bann bondieu an kolèr, oubien akoz bann zènmi i joué dan le sor. Èske le trètman na in lien avèk kroiyans la ?
Pou prépar le ti remèd oubien pou pran ali, èske an mèm tan i fé bann sakrifis, i fé la maji, oubien i grat ti boi ? Èske i ansèrv bann zafèr ki fé rant an kontak avèk bann mové zéspri ?
5. Èske mi kas tro la tèt pou mon santé ? La Bib i di : « Fé an sort ke tout domoun i koné zot lé rézonab » (Filipien 4:5). Si ou lé rézonab, ou sra kapab konsant aou su « bann zafèr lé plu zinportan », kom tout sak ou fé dan out relijion (Filipien 1:10 ; Matieu 5:3).