Koman ou pe koz la bonn nouvèl èk lé zot ?

Plus ou va étudié bann vérité ke néna dan la Bib, riskab ou va di aou : « Tout domoun i devré konèt sa ! » Lé vré, tout domoun la bezoin konèt bann vérité la. Mé petèt, kan ou majinn aou koz èk domoun su sak ou aprann, i pe strès aou in pe. Alon voir koman ou pe surmont out strès é trouv kontantman pou prèch la bonn nouvèl.

1. Koman koz su sak ou aprann avèk domoun ou koné ?

Bann disip Jézu la di : « Nou pe pa arèt koz su bann zafèr ke nou la vu é ke nou la antann » (Akt 4:20). Zot té ièm tèlman la vérité, ke zot té ve koz de sa avèk tout domoun. Èske ou resan le mèm zafèr ? Si oui, trouv bann zokazion pou koz su sak ou aprann èk réspé, ansanm out fami é out bann kamarad (lir Kolosien 4:6).

2. Poukosa prèch èk lasanblé lé in bon lobjéktif ?

Bann disip Jézu té koz pa le gayar nouvèl, rienk èk domoun zot té koné. Jézu ‘la anvoiy banna prèch deu par deu dan tout bann vil’ (Luk 10:1). Se prédikasion organizé, la pèrmèt in bonpe d’moun antann la bonn nouvèl. Bann disip té trouv osi in bonpe kontantman, kan zot tout té prèch ansanm (Luk 10:17). Èske ou pouré fiks aou lobjéktif prèch èk lasanblé ?

ALON APRANN PLUS

3. Jéova i sra avèk ou

Désèrtin la anvi préché, mé zot la peur kosa domoun va di é kosa domoun va fé.

• Kan ou majinn koz su sak ou aprann, èske ou lé strésé ? Poukosa ?

Gard le VIDÉO é koz su le késtion ki vien apré.

VIDÉO : Ma la pri Jéova pou ke li donn amoin kouraj (4:05)

• Koman bann jeun Témoin la, la sobat kont zot peur ?

Lir Izai 41:10 é koz su késtion la :

• Si ou la peur préché, koman la priyèr i pe èd aou ?

Ou té koné sa ou ?

Avan komans koz la bonn nouvèl èk dot, in bonpe Témoin Jéova té kroi ke jamé zot noré gingn fé sa. Sé sak la ariv Sergey. Li té kroi ke li té vo pa rien é li té ariv pa koz èk lé zot. Li di : « Mèm si ma lavé peur, ma la komans koz su sak mi té aprann dan la Bib, èk domoun mi koné. Sak la étonn amoin, sé ke sa la redonn amoin konfians é sa la fortifié mon foi. »

4. Ou doi èt réspéktueu

Kan ou koz le gayar nouvèl, réfléchi su sak ou sa di mé osi su le fason ou sa di sa. Lir 2 Timoté 2:24 é 1 Pièr 3:15 é koz su bann késtion la :

• Koman ou pouré mèt an pratik bann vèrsé la, kan ou koz su la Bib èk lé zot ?

• Detroi dan out fami oubien out bann kamarad i sra petèt pa dakor èk ou. Kosa ou pouré fé ? Kosa ou devré pa fé ?

• Poukosa lé mieu poz bann késtion avèk jantiyès, olèrk oblij lé zot aksèp out poin d’vu ?

5. Préché i rann ereu

Jéova la demann Jézu prèch le gayar nouvèl. Koman Jézu té konsidèr travay la ? Lir Jan 4:34 é koz su bann késtion la :

• I fo manjé pou viv, é manj bann bon zafèr ki aranj la bouch i fé plézir anou. Poukosa fé la volonté Bondieu, kom prèch la bonn nouvèl, lété kom in manjé pou Jézu ?

• Poukosa prèch la bonn nouvèl i pe rann aou ereu ?

SAK NOU LA APRANN

Koz la bonn nouvèl i rann ereu, é lé petèt plu fasil ke sak ou pans.

Alon révizé

• Poukosa koz la bonn nouvèl èk lé zot ?

• Koman ou pe fé sa avèk réspé ?

• Si préché i strès aou, kosa ou pe fé ?

GARD SA OSI

4 fason sinp koz la bonn nouvèl, kan i utiliz le kart vizit jw.org.

Propoz le kart vizit jw.org (1:43)

4 kalité ke va èd aou koz le gayar nouvèl.

« Es-tu prêt à devenir un pêcheur d’hommes ? » (La Tour de Garde, septembre 2020)

In légzanp biblik, ki pe donn mèm bann plu jeun, kouraj pou koz le gayar nouvèl.

Jéova va donn aou kouraj (11:59)

Koman koz su la Bib èk domoun out fami, ki koné pa ankor Jéova ?

« Touchons le cœur de nos parents non Témoins » (La Tour de Garde, 15 mars 2014)