Rès sinp

Sak Jézu la fé

VIDÉO : Jézu la pran in légzanp pou mont ké Jéova i èm anou

1. Rogard la VIDÉO oubien lir Matié 6:25-27. Aprésa réfléchi su bann kèstion i vien.

1. Pou mont ké nou néna la valèr pou Bondié, kosa Jézu la pran kom légzanp ?

2. Jézu té koné in ta zafèr su zoizo, mé su kèl zafèr sinp li la koz dési ? Poukosa lété bien la fason li la fé ?

Rotien sa

2. Rès sinp kan ou fé létud ; lo moun va rotien sak ou di é ou va touch son kèr.

Fé parèy Jézu...

3. Koz pa in ta. Pa bézoin débal tout sak ou koné ; rès kalé dési bann sujé zot lé antrinn étudié. Kan ou poz in kèstion out létudian, lès ali lo tan répond. Si li gingn pa répond oubien si son répons i kol pa èk la Bib, poz ali dot kèstion pou èd ali. Kan li la fine konpran in lidé inportan, kontinié létud.

4. Rapèl sak létudian i koné déja avan komans létud. Par égzanp, avan komans lo loson su la rézurèksion, rovien in instan su sak létudian la aprann dési bann mor.

5. Choizi bien out bann légzanp. Avan pran in légzanp, domand aou :

1. « Èské lé sinp ? »

2. « Èské sra fasil pou li konpran ? »

3. « Èské plitar li va rapèl lidé inportan, oubien li va rès kalé su légzanp ? »