La gèr : Kosa lo Roiyom Bondié i sar fé ?

Jordi partou dan lo monn la gèr i kontinié fé déga. É akoz sa néna bann soufrans é bonpé malizé. Agard sak détroi journal i di :

•  « Akoz bann gèr néna péi Létiopi é Lukrèn, i fé 28 zané la gèr la pa fé otan d’mor » (Peace Research Institute Oslo, 7 Juin 2023).

•  « An 2022, la gèr Lukrèn lété inn an parmi bann gèr la vni plizanpli pir. D’in not koté, bann violans akoz la politik la ogomanté a pépré 27% lané pasé, é an gro i èstim ké sa la touch 1.7 miliar domoun » (The Armed Conflict Location & Event Data Project (ACLED), 8 Févriyé, 2023).

La Bib i done in lèspoir. I di komsa : « lo Bondié dann sièl va mèt an plas in roiyom k’i sra jamé détrui » (Danièl 2:44). Kan Roiyom-la ou gouvèrnman-la va dominé, Bondié va « fé arèt bann gèr su tout la tèr » (Psom 46:9).