La tèr lé an danjé : kosa roiyom Bondié i sar fé ?

« Lé grav, lo tan la pou gaté partou su la tèr : kisoi domoun, bann vil oubien bann lékosistèm, tout la pou toufé. Partou bann sézon i chanj, akoz sa, bann siklone i dovien plizanpli for, plizanpli danjéré, kansa i ariv domoun i pèrd zot kaz é zot na pu rien pou viv. La mèr i dovien plizanpli cho, sa i fé ké bonpé zèspés i riskab disparèt » (Inger Andersen, ladjoin sékrétèr jénéral bann Nasion zuni é dirèktris èkzékutiv lo Program bann Nasion zuni pou lanvironeman, 25 julié 2023).

Èské bann gouvèrnman i sra kapab mèt la min ansanm pou anlèv tout zafèr ké la pou détrui la natur ? Èské zot va gingn règ sa in foi pou tout ?

La Bib i koz su in gouvèrnman ké lé kapab sov la natur, é sé rienk gouvèrnman-la va gingn fé sa. Li di ké « lo Bondié dann sièl va mèt an plas in roiyom », in gouvèrnman ké va dirij tout la tèr (Danièl 2:44). Kan gouvèrnman-la va dirij la tèr, nora « pu pèrsone pou fé lo mal ou pou fé d’ravaj » (Izai 11:9).