Problèm larjan : kosa roiyom Bondié i sar fé ?

Partou su la tèr jordi, bonpé domoun i batay pou fini lo moi, é lé plizanpli difisil pou zot ariv o bout.

• Dapré in lankèt fé dann monn antiéa, la pèy fin d’moi lé pu asé pou domoun achèt sak zot la bézoin. Lankèt-la i prévien anou ké si i kontinié komsa san fé rien, nora « plizanpli zinégalité » é la « kalité d’vi bonpé travayèr èk zot famiy » va bèsé.

Èské bann gouvèrnman i sra kapab niabou bann problèm larjan, ou pétèt jus rand lo situasion in pé pli méyèr ?

La Bib i koz su in gouvèrnman ké lé kapab règ bann problèm larjan é bann zinégalité, é gouvèrnman-la va fé sa vréman. Li di ké « lo Bondié dann sièl va mèt an plas in roiyom », in gouvèrnman ké va dirij tout la tèr (Danièl 2:44). Kan gouvèrnman-la va dirij la tèr, nora poin pèrsone va rès atèr (Psom 9:18). Roiyom Bondié va fé tout pou ké chakèn na sak i fo ali pou èt éré. Toulmoun va profit a fon son travay (Izai 65:21, 22).