Kèl promès lo Roiyom Bondié i fé pou la santé ?

« Mèm si pou linstan la KOVID-19 lé pi in gran ménas pou la santé lo monn antié, sa i vé pa dir nou la fini èk li [...]. Kan lo prochin pandémi va arivé, é i mankra pa, i fo nou lé paré » (Tedros Adhanom Ghebreyesus, dirèktèr jénéral Lorganizasion mondial la santé, 22 mé, 2023).

In paké domoun i san ankor léfé la pandémi COVID-19 su zot santé, k’i soi dan zot kor oubien dan zot tèt. Èské bann gouvèrnman é bann sèrvis la santé va gingn anparé lo prochin pandémi, é èské zot lé kapab trouv in solusion bann problém santé koméla mèm ?

La Bib i koz su in gouvèrnman ousa tout domoun nora in gayar santé. Li di komsa « lo Bondié dann sièl va mèt an plas in roiyom », oubien in gouvèrnman (Danièl 2:44). Kan gouvèrnman-la va dominé, « nora poin pèrsone su la tèr va di : “Moin lé malad” » (Izai 33:24). Toulmoun nora in gayar santé é va rotrouv la fors zot lavé kan zot té jèn (Job 33:25).