Nou imit pa sak in paké d’moun i fé

23:1-3

Sé surtou pou bann juj é bann témoin, ke Jéova la demandé pa imit in paké d’moun, kan na in nafèr an jujman. Sa i pouré pous azot dir in parol ke lé fo ou rann in jujman ke lé pa jus. Mé se konsèy la, lé valab pou dot situasion. Lé vré, toultan se monn ki obéi pa Bondieu, i rod fé chanj la mantalité é le konportman bann krétien (Rom 12:2).

Poukosa lé pa saj fé kom in paké d’moun :

• kan nou antan in kozman ke lé pa fondé oubien bann ladilafé ?

• kan nou choizi nout bann linj, nout manièr koifé oubien nout bann lamuzman ?

• dan nout fason konsidèr é trèt sak lé in not ras, in not kultur ou in nivo sosial pa kom lé not ?