LESON 11

Koz in fason ke lé vivan

Romin 12:11

POIN INPORTAN : Ankouraj é pous domoun pou ajir, é pousa koz avèk out keur.

Intérès aou a fon pou le sujé. Kan ou prépar out sujé, réfléchi avèk sèryeu a kèl poin sak ou ansègn lé inportan. Éfors aou, bien konèt bann zidé ke néna dan out sujé, komsa out fason kozé i mont ke ou kroi sak ou di.
Majinn bann domoun. Pran in tan pou réfléchi, par koman out léktur é out lansègnman, va èd sak lapou ékout aou. Kalkul koman ou sar prézant tousala, pou ke sa néna ankor plus la valeur pou domoun.
Prézant sak ou di in fason ke lé vivan. Koz avèk out keur. Mont sak ou resan par bann jès ke ou fé dabitud. Févoir su out figur ke sak ou resan, lé vré.

Vèy ke ou détourn pa latansion sak lapou ékout aou, si ou fé toultan le mèm jès. Fé bann jès ke na in rapor avèk sak ou di. Fé viv sak ou di, surtou kan ou ansègn bann zidé inportan, é kan ou ankouraj domoun pou ajir. Kan ou prézant out sujé, si ou donn tro paké dan out fason kozé depui le débu juska la fin, ou pouré fatig zorèy domoun.