Poukoué la gèr èk bann zafrontman violan i kontinié jordi ?

LO PÉCHÉ

Bondié la kré nout promié paran, Adan èk Èv, dan son rosanblans (Jénèz 1:27). Sa i vé dir ké dé baz, zot té fé mont bann joli kalité Bondié, kom la pé èk lamour (1 Korintien 14:33 ; 1 Jan 4:8). Lé bien maléré, Adan èk Èv la pa obéi Bondié é zot la péché. Akoz sa, zot la transmèt toulmoun lo péché èk la mor (Romin 5:12). Mé voila sèlman, lo péché i pous domoun aoir in fason pansé é aji ké lé violan (Jénèz 6:5 ; Mark 7:21, 22).

LA DOMINANS LOM

Bondié la pa done bann zumin la kapasité dirij azot par zot mèm. La Bib i di : « Lé pa lom k’i march i doi dirij son bann pa » (Jérémi 10:23). Sé pou sa mèm, ké bann gouvèrnman lé pa kapab fé disparèt la gèr èk la violans.

SATAN ÈK SON BANN DÉMON

La Bib i di ké « lo monn antié lé dirijé par lo méchan » (1 Jan 5:19). Tèr-la lo « méchan » sé Satan lo Diab, in kriminèl vréman mové k’i èm tué (Jan 8:44). Satan èk bann démon lé dèrièr la gèr èk la violans (Révélasion 12:9, 12).