Кер пошукар и служба — сведочибе преку телефони

СОСКЕ ТАНО ВАЖНО АКАВА: О сведочибе преку телефони тано важно начин колеа со шај темелно те сведочина башо шукар хабери (Де 20:24).a Акава поможинела аменге те проповедина кеда о околностија на дозволинена аменге те овел амен лично контакт е манушенцар.

САР ТЕ КЕРА АДАВА:

• 

  Спремин тут. Бирин соодветно тема. Пало адава пишин туке кратко со мангеа те вакере. Исто аѓаар, ко случај ако добинеа секретарка, шај те спремине јекх кратко порака колаја со ка објаснине соске јавинеа тут. Ка овел туке корисно ако ко астали иси тут тле белешке хем о јавера буќа со ка ваљанен туке, сар на пример јекх електронско уред коте сој пхравди и JW Library^® или jw.org^® .

• 

  Ов опуштимо. Кер природно лафи. Аса хем понашин тут аѓаар сар те пхене о мануш дикхела тут. Избегин непотребна паузе. Исто аѓаар, ка овел туке корисно ако соработинеа заедно е јаверенцар. Ако о станари пучела нешто, повторин адава ко гласо те шај тло партнери те поможинел тут те аракхе о одговор.

• 

  Чхив темели баши повторно посета. Ако о мануш сикавела интерес, шај те мукхе пучибе башо следно пути кеда ка јавине тут леске. Исто аѓаар, шај те пуче ле дали мангела електронски те бичхале леске несави публикација, лично те ингаре леске или те бичхале леске ко несаво јавер начин. Освен адава, шај те нудине те бичхале леске преку порака несаво видео или статија. Кеда ка овел прилика, објаснин леске ко саво начин шај бизо паре те проучинел и Библија или сикав леске нешто тари амари интернет-страница.