Ма бистре те молине тут тле пхраленге сој прогониме

Ки Библија тано проречимо кај о Сатана ка прогонинел амен те шај те чхинава те служина е Јеховаске (Јвн 15:20; От 12:17). Со шај те кера е пхраленге сој тане прогониме? Шај те молина амен ленге. „И сесрдно молитва е праведникоскири иси ла бари сила хем шај те керел бут шукарипе“ (Јк 5:16).

Башо со шај те молина амен? Шај те молина амен е Јеховаске те дел амаре пхраленге хем пхењенге храброст хем те поможинел лен те на даран (Иса 41:10-13). Исто аѓаар, шај те молина амен о властија те на керен аменге проблемија ки амари служба те шај те водина јекх мирно живото (1Ти 2:1, 2).

Кеда о Павле хем о Петар сине прогониме, о христијања ко прво веко ко пле молитве спомнинена сине ленгере анава (Де 12:5; Ри 15:30, 31). Чак ако на џанаја о анава е пхраленгере сој тане прогониме, шај те спомнина ленгоро собрание, пхув или област?

Пишин ко кола пхувја о пхраља тане прогониме со мангеа те молине тут ленге.