6 DELO

So sikljovaja taro baro Potop?

O Devel uništingja e lošno manušen ama spasingja e Noe hem leskere familija (1. Mojseeva 7:11, 12, 23)

I arka plivinela, o lošno manuša tasljona, hem o angelija so prtivingje pe mukhle po manušikano telo

Dengja bršim 40 dive hem 40 rakja, hem o pani učhargja sa i Phuv. Sa o lošna manuša mule.

O angelija so protivingje pe mukhle po manušikano telo hem ule demonija.

O Noe, leskiri familija hem o životne iklile tari arka hem ko nebo pojavingja pe vinožito

Adala so sine ki arka ačhile dživde. Iako o Noe hem leskiri familija palo nesavo vreme mule, o Devel ka vazdel len taro mule hem ka šaj večno te živinen.

O Devel palem ka uništinel e lošnon a ka spasinel e šukar manušen (Matej 24:37-39)

O Satana hem leskere demonija koristinena različna načinija te hovaven e manušen

O Satana hem o demonija panda hovavena e manušen.

Avdive, sar e Noeske ko vreme, but manuša na šunena o sovetija so o Jehova mangipaja dela len. Panda hari o Jehova ka uništinel sa okolen soj lošna (2. Petrovo 2:5, 6).

E Jehovaskoro svedoko koristinela i Biblija te propovedinel jekhe manušeske; o manuš čitinela i Biblija

Nesave manuša tane sar o Noe. Ola šunena e Devle hem kerena adava so ov vakerela lenge; ola tane e Jehovaskere svedokija.