O Devel mangela te pomožinel tuke te ove bahtalo zasekogaš

• Dali isi tut želba te živine ko sveto kote so nane vojne hem nasilstvo?

• Dali mangea jekh sveto kote so nane više te ovel nasvalipe, muke hem meribe?

• Dali isi tut želba te živine bizo problemija hem sekiracie?

• Dali mangea te živine ko jekh than kote so nikogaš nane te oven prirodna katastrofe?

Amaro grižlivo Devel, o Stvoriteli amare šuže planetakoro, vetingja kaj o manuša ka živinen ko mir hem ka oven bahtale zasekogaš. Adava nane samo suno.

Ko statie so ka dikha len ponadari šaj te doznajne:

• Kola bukja sikavena kaj o Devel mangela e manušen

• So otkringje amenge e Devleskere pekamberija (prorokija) bašo bereketija so vetingja len o Devel

• So mangela te vakerel amenge o Devel preku plo Lafi

• So šaj te kera te šaj te ova bahtale panda akana hem te dobina o bereketija so vetingja len amenge o Devel baši idnina

Najangle te dikha kola bukja sikavena kaj amaro Stvoriteli mangela amen hem grižinela pe amenge.