ONLAJN BIBLIOTEKA Watchtower
ONLAJN BIBLIOTEKA
Watchtower
romane (Makedonija)
  • BIBLIJA
  • PUBLIKACIE
  • SOSTANOKIJA
  • wp20 br. 3 str. 14-15
  • Tu da šaj te uživine zasekogaš ko bereketija taro amaro Stvoriteli

Nane video bašo akava delo.

Žal amenge, isi greška, našti phravaja o video.

  • Tu da šaj te uživine zasekogaš ko bereketija taro amaro Stvoriteli
  • Stražarsko kula objavinela e Jehovaskoro Carstvo (Baši javnost) 2020
  • Slično materijali
  • So šaj te sikljova taro čudija e Isuseskere?
    Stražarsko kula objavinela e Jehovaskoro Carstvo (Bašo proučibe) 2023
  • So otkringje amenge o pekamberija bašo Devel
    Stražarsko kula objavinela e Jehovaskoro Carstvo (Baši javnost) 2020
  • So kergja o Isus keda sine ki Phuv?
    Ov bahtalo zasekogaš — biblisko kursi
  • Ko i o Isus Hrist?
    So rodela amendar o Devel?
Stražarsko kula objavinela e Jehovaskoro Carstvo (Baši javnost) 2020
wp20 br. 3 str. 14-15
Manuša taro različno poteklo družinena pe zaedno ko raj ki Phuv

„I phuv ka bijanel, o Devel, amaro Devel ka del amen bereketi“ (PSALM 67:6).

Tu da šaj te uživine zasekogaš ko bereketija taro amaro Stvoriteli

O Devel dengja lafi e pekambereske e Ibrahimeske kaj jekh taro leskere potomcija ka anel bereketija sa e narodonge ki Phuv (1. Mojseeva 22:18). Koj sine adava?

Okolu 2.000 berš angleder, o Devel dengja e Isaske, kova so avela sine taro Ibrahimi, mokj te kerel bare čudija. Akala čudija sikavgje kaj o vetuvanje so sine dendo e Ibrahimeske — kaj ka dobinen bereketija sa o manuša — ka ispolninel pe preku o Isa (Galatite 3:14).

O čudija so kergja len o Isa pomožingje e javerenge te haljoven kaj ov tano adava so o Devel biringja le te del bereketija sa e manušenge. Isto agjaar, o čudija sikavgje sar o Devel ka koristinel e Isa te šaj te del večna bereketija e manušenge. Primetin sar o čudija e Isaskere otkrinena amenge nesave taro leskere šuže osobine.

Obzirnost — O Isa sasljargja e nasvalen.

Ki jekh prilika, jekh manuš so sine le lepra molingja le te sasljarel le. O Isa astargja le hem vakergja leske: „Mangava, sasljov“. Ko isto momenti sastilo (Marko 1:40-42).

Darežlivost — O Isa parvargja e bokhalen.

O Isa na manglja o manuša te oven bokhale. Ko najhari duj prilike, ov čudoja parvargja bute manušen samo nekobor marencar hem mačhencar (Matej 14:17-21; 15:32-38). Otkeda hale hem čalile, ačhilo panda but hajbaske.

Sočuvstvo — O Isa irangja e mulen ko životo.

Jekh puti, o Isa dikhlja jekhe udovica koja so tugujnela sine adaleske so mulo lakoro čhavo. Na sine la nikoj javer so šaj te grižinel pe lake. Pottiknimo taro sočuvstvo, o Isa irangja lakere čhave ko životo (Luka 7:12-15).

VEČNA BEREKETIJA KI PHUV

O Isa više sikavgja kaj e Devle isi le mokj te anel bereketija e manušenge. Panda hari, o Isa ka iranel pe, sar so vetingja. Tegani, o Semokjno Devel ka koristinel le te kerel panda pobare čudija ki Phuv.

Savo ka ovel o životo ki Phuv keda o Devel ka ispolninel plo lafi so dengja le e Ibrahimeske? Okola so mangena hem poštujnena e Devle „ka nasledinen i phuv, hem ka uživinen ko baro mir“ (Psalm 37:11). Ko e Devleskoro Lafi pišinela: „Meribe nane te ovel više, ni žalibe, ni rojbe, ni dukha“ (Otkrovenie 21:4).

Kobor baro bereketi ka ovel te živina večno ko mir ki Phuv! Ama, isi javera da bereketija kola so o Devel panda hari ka anel len e manušenge. Te šaj te doznajne nešto poviše bašo adava, pottikninaja tut te posetine i internet-stranica jw.org.

    Publikacie ko Romane (Makedonija) (2008 — 2025)
    Odlogirin tut
    Logirin tut
    • romane (Makedonija)
    • Spodelin
    • Mestin
    • Copyright © 2025 Watch Tower Bible and Tract Society of Pennsylvania
    • Uslovija koristibaske
    • Polisa baši privatnost
    • Opcie baši privatnost
    • JW.ORG
    • Logirin tut
    Spodelin