Bereketija okolenge so pomožinena e javerenge

Bute dženenge ko sveto valjanela hrana hem than živibaske. A nesavenge sa so valjani tani i nadež baši idnina. O Devel mangela te pomožina asavke manušenge hem ka del amen bereketija ako keraja adava.

SO PIŠINELA KO E DEVLESKORO LAFI

„Koj sikavela šukaripe e čoroleske, dela zaem e Jehovaske hem ov ka platinel leske bašo adava so kerela“ (IZREKI 19:17).

SO ZNAČINELA TE POMOŽINA ADALENGE SO VALJANI LENGE POMOŠ

O Isa vakergja jekh sporedba bašo jekh manuš so sine mardo taro čora hem so mukhle le te merel (Luka 10:29-37). Jekh jabandžija ačhilo hem pomožingja le. Ov kergja adava iako sine tari javer nacionalnost.

Akava manuš na samo so phanlja leskere rane hem dengja le materijalno pomoš, nego isto agjaar lokhjargja leskiri dukh.

So sikljovaja tari akaja sporedba? O Isa sikavgja kaj valjani te kera sa so šaj te pomožina okolenge so valjanela lenge nesavi pomoš (Izreki 14:31). Taro e Devleskoro Lafi doznajnaja kaj o Devel panda hari ka čhivel krajo e čorolipaske hem e mukenge. Šaj pučaja amen sar hem keda ka ovel adava? Ki sledno statija ka dikha save bereketija ka del amen amaro Stvoriteli ki idnina.