2 | Uteha taro e Devleskoro Lafi
I BIBLIJA VAKERELA: „Sa so sine pišimo angleder, pišimo tano baši amari pouka, hem isi amen nadež soske e Devleskoro lafi dela amen uteha hem pomožinela amen te izdržina“ (RIMJANITE 15:4).
So značinela akava
O utešna misle so avena taro e Devleskoro Lafi dena amen sila hem pomožinena amen keda počminaja te razmislina ko negativno način. Isto agjaar, e Devleskoro Lafi dela amen nadež kaj panda hari nane te ovel emocionalno dukh.
Sar šaj akava te pomožinel amenge
Sarine amen ponekogaš šaj te osetina amen voznemirime ili te ova tažna. Ama okola so isi len depresija ili anksioznost šaj celo vreme te osetinen pe agjaar. Sar šaj i Biblija te pomožinel amen?
Ki Biblija isi but pozitivna misle kolencar šaj te menina o negativna (Filipjanite 4:8). Oj čače šaj te pherel amari godi utešna mislencar kola so smirinena amen hem pomožinena amenge te kontrolirina amare čuvstvija (Psalm 94:18, 19).
I Biblija šaj te pomožinel amenge te čhinava te razmislina kaj na vredinaja (Luka 12:6, 7).
But bibliska stihija uverinena amen kaj na siem korkori hem kaj o Devel, amaro Stvoriteli, celosno haljovela sar osetinaja amen (Psalm 34:18; 1. Jovanovo 3:19, 20).
I Biblija vetinela kaj o Devel ka kosel sa o misle so dukhavena amen (Isaija 65:17; Otkrovenie 21:4). Keda mučinena amen misle ili čuvstvija so voznemirinena amen akava vetuvanje šaj te del amen sila te izdržina.