Uvod bašo 12 delo

O Isus propovedinela sine bašo e Devleskoro Carstvo. Ov sikavela sine te molinen pe te slavinel pe e Devleskoro sveto anav, te avel leskoro Carstvo hem te ovel leskiri volja ki Phuv. Ako sian roditeli, objasnin e čhaveske so značinela akaja molitva amenge. Iako e Isuse sine le iskušenija taro Satana, ov ačhilo verno e Jehovaske. Ov biringja apostolija, hem ola dobingje posebna zadače sar členija ko e Devleskoro Carstvo. O Isus mangela sine o manuša te služinen e Devleske ko ispravno način. Ov sasljarela sine e manušen, dela len sine hajbaske, hem čak nesaven voskresningja. Akalea o Isus sikavgja so ka kerel e Devleskoro Carstvo e manušenge.