TE ŽIVINA SAR HRISTIJANJA
Dikh ki tute sar so dikhela o Jehova
„O Jehova radujnela pe ple narodoske“ (Ps 149:4). Iako siem nesovršena, ov dikhela amare šukar osobine hem adava so šaj te kera ki idnina. Ama, ponekogaš šaj te ovel pharo, amen korkori te dikha amare šukar osobine. O način sar o javera postapinena amencar, šaj kerela te osetina amen kaj na vredinaja. Ili, ako koncentririnaja amen ko greške so kergjem len angleder, šaj te sumnina amen dali o Jehova čače mangela amen. So ka pomožinel amenge ako osetinaja amen agjaar?
Ma bistre kaj o Jehova dikhela adava so o manuša našti te dikhen (1Sa 16:7). Adava značinela kaj ov dikhela poviše nego amen so šaj te dikha ki amende. But siem blagodarna so i Biblija pomožinela amenge te haljova sar o Jehova dikhela ki amende. Adava šaj te haljova ako čitinaja bibliska stihija hem izveštaija kola so sikavena kobor o Jehova mangela ple slugen.
DIKH O KLIPI UVERIN TLO VILO KAJ O JEHOVA MANGELA TUT, A PALO ADAVA ODGOVORIN KO AKALA PUČIBA:
So šaj te sikljova bašo adava sar o Jehova dikhela ki amende tari sporedba e trkačea hem leskere dadea?
Ako nekoj so kergja seriozno grevo kerela sa te šaj palem te ovel ko šukar odnos e Jehovaja, sar šaj te ovel uverimo kaj o Jehova mangela le? (1Jo 3:19, 20).
Sar koristingja e phraleske so čitingja hem hor razmislingja bašo izveštaija taro David hem o Josafat?