TE ŽIVINA SAR HRISTIJANJA
Neka ovel tut doverba ko Jehova keda o javera maltretirinena tut
O maltretiribe šaj te anel fizičko hem emocionalno dukh. Ako daraja keda protivinena pe amenge adaleske so služinaja e Jehovaske adava šaj te kerel amenge šteta ko duhovno pogled. Sar šaj te zaštitine tut ako nekoj maltretirinela tut?
Adaleske so sine len doverba ko Jehova but taro leskere sluge uspešno boringje pe e maltretiribaja (Ps 18:17). Na primer, i Estira hrabro otkringja o planija e Amaneskere, kova so sine lošno (Es 7:1-6). Angleder te kerel adava, oj sikavgja doverba ko Jehova agjaar so postingja (Es 4:14-16). O Jehova blagoslovingja lakere postapke, adaleske zaštitingja la hem ple narodo.
Ternalen, ako nekoj maltretirinela tumen molinen e Jehova baši pomoš hem keren lafi nekasaja soj zrelo, sar na primer tumare roditelencar. Oven sigurna kaj o Jehova ka pomožinel tumenge isto sar so pomožingja e Estirake. So javer šaj te pomožinel tumenge ako nekoj maltretirinela tumen?
DIKH O KLIPI MLE TINEJDŽERSKA BERŠA — SAR TE IKLJOVAV KO KRAJO E MALTRETIRIBAJA?, A PALO ADAVA ODGOVORIN KO AKALA PUČIBA:
So šaj o terne te sikljon taro Čarli hem tari Ferin?
So šaj te sikljon o roditelija taro adava so vakergje o Čarli hem i Ferin bašo adava sar te pomožinen pumare čhavenge ako nekoj maltretirinela len?