Valjani amenge pošukar sveto!
„Živinaja ko sveto kova soj pherdo problemencar“, vakergja o Antonio Gutereš, generalno sekretari ko Obedineta nacie. Dali soglasinea tut akale lafencar?
Taro sa o strane resena amenge lošna haberija, sar soj:
Pandemija hem javera nasvalipa
Prirodna katastrofe
Čorolipe hem bokhalipe
Zagadimi okolina hem globalno zatopluvanje
Kriminal, nasilstvo hem korupcija
Vojne
Dikhjola pe kaj valjani amenge jekh pošukar sveto, sveto kote so isi:
Sovršeno sastipe
Sigurnost hem bezbednost
Hrana sarinenge
Čisto okolina živibaske
Pravda sarinenge
Mir ko celo sveto
Ama, ko so mislinaja keda kerela pe lafi bašo pošukar sveto?
So ka ovel e svetoja kote so živinaja akana?
So valjani te kera te šaj te živina ko pošukar sveto?
Akava izdanie tari Stražarsko kula dela utešna bibliska odgovorija ko akala hem ko slična pučiba.