O Devel grižinela pe tuke
I BIBLIJA dela amen o najšukar sovetija, adaleske soj tani lil taro Devel. Oj nane medicinsko priračniko, ama šaj te pomožinel amenge keda isi amen phare okolnostija, keda voznemirinela amen o način sar razmislinaja, keda isi amen negativna čuvstvija hem keda isi amen problemija amare fizičko ili psihičko sastipaja.
Soj najvažno, i Biblija uverinela amen kaj amaro Stvoriteli, o Jehova o Devel,a haljola amare misle hem čuvstvija pošukar taro bilo koj javer. Bizi razlika save problemea borinaja amen ov tano spremno te pomožinel amenge. Na primer, razmislin bašo akala duj utešna bibliska stihija:
„O Jehova tano paše uzo adala soj phage vilea hem spasinela adalen soj phage duhoja“(PSALM 34:18).
„Me, o Jehova, tlo Devel, ikerava tut taro tlo desno vas hem vakerava tuke: ’Ma dara! Me ka pomožinav tuke‘“(ISAIJA 41:13).
Ama, sar o Jehova pomožinela amenge te ikljova ko krajo e problemencar soj tane povrzime e emocionalno sastipaja? Sar so ka dikhe ko sledna statie, o Jehova sikavela kaj čače grižinela pe amenge ko but načinija.
a Jehova tano lično anav e Devleskoro (Psalm 83:18).