Sar te ikljove ko krajo e izolacijaja
Dali osetinea tut izolirimo hem korkori? Ako oja, tegani šaj osetinea tut sa o psalmisti kova so vakergja: „Me sium sar čirikli soj korkori ko krovi“ (Psalm 102:7). I mudrost so avela tari Bibilja šaj te pomožinel tuke polokhe te ikljove ko krajo e problemencar so anela len i izolacija.
Ov popaše e Devlea
Čak džikote trajnela i izolacija, šaj te ove bahtalo ako sian svesno bašo tle duhovna potrebe hem ako trudinea tut te kere nešto te šaj te ove popaše e Devlea (Matej 5:3, 6). Akala bukja šaj te pomožinen tuke ko adava.
I Biblija ko internet — prevod soj tano točno hem lokho čitibaske
Kratka videoklipija so kerena lafi bašo osnovna bibliska sikljojba
„Odgovor bašo bibliska pučiba“ — direktna odgovorija bašo pučiba so pučena pe često o manuša
„Te ovel tumen sar lengiri vera“ — statie ko kola so kerela pe lafi bašo nesave verna sluge e Devleskere taro purano vreme
„Slučajno ili stvorimo?“ — akala statie istakninena kobor šukar tane stvorime o bukja ki priroda
Čitin bibliska stihija kola so dena uteha
Akala stihija pomožingje bute dženenge te arakhen uteha. Namesto te čitine len sa taro jekh puti, džikote sian ki izolacija trudin tut te čitine samo nekobor stihija, razmislin baši lende hem molin tut e Devleske (Marko 1:35).
Psalm 23:1-6
Psalm 34:1-22
Psalm 46:1-11
Psalm 63:6-8
Psalm 91:1-6
Trudin tut te haljove soske slučinena pe lošna bukja ko sveto
Šaj polokhe te ikljove ko krajo e phare situacijaja ako džanea soske ovena o lošna bukja hem sar o Devel ka anel lenge krajo (Isaija 65:17).
Izbegin preterano te sekirine tut
O statie so kerena lafi bašo akala teme šaj te pomožinen tuke te ikljove ko krajo e stresea so anela le i izolacija hem ma te sekirine tut preterano (Matej 6:25).
Ačhov paše tle amalencar
O amalipe koristinela amenge bašo amaro psihičko hem emocionalno sastipe, a posebno tano važno keda našti lično te dikha amen amare amalencar. Ako sian ki izolacija, šaj te javine tut lenge ko telefoni ili te koristine video-konferencija te šaj te ačhove paše tle amalencar hem te kere tuke neve amala. Akala statie ka pomožinen tuke te arakhe čačutne amala hem tu da te ove čače amal (Izreki 17:17).
Ov fizički aktivno
I Biblija vakerela kaj o vežbibe tano korisno (1. Timotej 4:8). Adava šaj te pomožinel tuke jasno te razmisline hem te ove pobahtalo posebno keda sian ki izolacija. Čak keda našti te ikljove kheraldan, isi bukja so šaj te kere te šaj te ačhove aktivno.